Այսօր հայտնի ռուս երաժիշտ Բորիս Գրեբենշիկովը հարցազրույց է տվել ռուսական «Известия» թերթին, որում հայտարարել է, որ Ռուսաստանը հիմա աննախադեպ ժողովրդավարության ժամանակաշրջանում է ապրում: «Մենք հիմա ապրում ենք մի հրեշային, ռուս ժողովրդի համար անսովոր ազատության ժամանակաշրջանում: Եթե մենք քառորդ դար հետ գնանք, ապա կտեսնենք, որ այն քննադատությունը, որն այսօր թափվում է ինտերնետից, այդ ժամանակ նույն վայրկյանին կլռեցվեր: Եվ այդ մարդկանց կողմից ներկայիս ազատությունը ցինիկաբար չի գնահատվում: Հիմա գերազանց մի ժամանակաշրջան է: Այն ավելի լավն է, քան ստալինյանը, քան առաջին ռուսական հեղափոխությունների ժամանակաշրջանը: Վերջին հարյուր տարվա մեջ հիմա, հավանաբար, ամենաազատ ժամանակահատվածն է: Եվ հաշվի առնելով այն, թե ես ինչ եմ կարդում «կոռումպացված» թերթերում, տեսնում եմ, որ կան մարդիկ, որոնք ձգտում են ավելի լավին: Ասենք՝ Չերնենկոյի ժամանակ ոչ ոք չէր ձգտում ավելի լավն անել: Չնայած, անկասկած, այն ժամանակ ավելի հանգիստ էինք ապրում: Բայց ազատության համար պետք է վճարել: Չնայած մեր ժողովրդի մեծ մասը՝ մոտ 80 տոկոսը, իմ կարծիքով, չի էլ հետաքրքրվում «ազատություն» հասկացությամբ: Այն նրանց պետք չէ: Մենք ապրում ենք հրաշք մի երկրում, որտեղ տարբեր մոտեցումներ կան այն կառավարելու վերաբերյալ: Դրանք բոլորն էլ անկատար են: Սակայն դրականն ավելի շատ է, քան բացասականը՝ ի տարբերություն աֆրիկյան շատ երկրների»,- ասել է հանրահայտ երգիչը: