Վերջերս տագնապեցնող են դարձել Իրանից կամ Իրանի քաղաքացիների կողմից թմրամիջոցների մաքսանենգ ճանապարհով ներկրումն ու տարածումը Հայաստանում: Այս մասին այսօր հրավիրված մամուլի ասուլիսում ահազանգեց «Հայաստանի երիտասարդ քաղաքական գործիչներ» կազմակերպության անդամ Վահան Դիլանյանը: Նա բարձրաձայնեց, որ պետք է փորձել հասկանալ, թե ինչո՞ւ են կոնկերտ այդ ելքային կետից գալիս թմրամիջոցները: Մեր պետական գերատեսչական մարմինները, ուժային կառույցները պետք է չափազանց մեծ ուշադրություն դարձնեն թմրանյութը ներկրողի ազգությանը, որովհետև կարող է Իրանի քաղաքացի լինել, բայց ազգությամբ՝ ադրբեջանցի: Նմանատիպ օրինակ գրանցվեց այն ժամանակ, երբ լրտես էր բռնվել. Իրանի քաղաքացի էր, բայց ազգությամբ՝ ադրբեջանցի: «Իսկ պայքարը արդյունք կտա այն ժամանակ, երբ այս պայքարում անկեղծ լինենք, վերանանք դեկլարատիվ հայտարարությունից և կոնկրետ միջոցառումներ իրականացնենք»,- ավելացրեց Վահան Դիլանյանը: Ի դեպ, որ այսօր հենց նույն ուժային կառույցներն են ներգրավված այդ գործում, հետևաբար առաջին հերթին պետք է պայքարել ոչ թե թմրամոլության դեմ, այլ այդ թմրանյութը ներկրողների: Ավելին, եթե նախկինում Հայաստանը թմրամիջոցների բիզնեսում տարանցիկ երկիր էր, ապա այսօր թմրանյութերը լայն կիրառություն են գտել հենց մեր երկրում:
