Ֆուտբոլի Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը չի տեղափոխվի Ամստերդամի «Այաքս»։ Այս մասին հայտարարել է «Այաքսի» գլխավոր մարզիչ Մորիս Սթեյնը։ «Հավանականւթյունը շատ փոքր է, Սպերցյանի տեղափոխությունը չի կայանա»,- ասել է Սյթեյնը։ Այս շաբաթվա սկզբին տեղեկություն էր տարածվել, որ «Այաքսի» մարզական տնօրենը ցանկանում է ձեռք բերել Էդուարդ Սպերցյանին, սակայն ակումբի խորհրդի ներկայացուցիչները դեմ էին արտահայտվել այդ տրանսֆերին։ Մեր տեղեկություններով, խորհդրի անդամների համոզմամբ «Կրասնոդարը» գործարքի համար պահանջել է չափազանց մեծ գումար։ Մասնավորապես, «Կրասնոդարը» Սպերցյանի տրանսֆերի համար պահանջում է 15 միլիոն եվրո, մինչդեռ Ամստերդամի թիմը պատրաստ է վճարել 12 միլիոն։ Հունիսի վերջին տեղեկություն էր տարածվել, որ Սպերցյանը հնարավոր է կարիերան շարունակի Անգլիայի չեմպիոն, Չեմպիոնների լիգայի խաղարկության գործող գավաթակիր «Մանչեսթեր Սիթիում»։ Այս մասին գրել էր Koinc Sport-ը։ Աղբյուրի փոխանցմամբ՝ անգլիական գրանդը Սպերցյանի տրանսֆերի շուրջ բանակցություններ պետք է սկսեր, բայց․․․։
Սպերցյանի ծառայություններով հետաքրքրված էին նաև այլ թիմեր։ RB Sport-ի համաձայն 23-ամյա Սպերցյանը կարիերան գերմանական Բունդեսլիգայում շարունակելու երկու տարբերակ ուներ։Ըստ աղբյուրի «Ֆրայբուրգն» ու Մյոնխենգլադբախի «Բորուսիան» պայքարում էին Սպերցյանի տրանսֆերի համար։ Նշվում էր, որ ակումբների սկաուտները Սպերցյանի խաղին հետևել էլ Հայաստանի հավաքականի վերջին երկու հանդիպումների ընթացքում։ Չմոռանանք, որ վերջերս «Բորուսիայում է ելույթ ունենում Հայաստանի հավաքականի հարձակվող Հրանտ-Լեոն Ռանոսը։ Տեղկեկություն էր տարածվել նաև, որ Սպերցյանը իտալական «Ինտերի» և «Սասուոլոյի» թիրախում էր։ Վերջինիս սպորտային տնօրեն Ջովանի Ռոսսին Спорт-Экспресс-ի թղթակցի հետ զրույցում խոսելով մեր ֆուտբոլիստի հնարավոր տեղափոխության մասին ասել էր․ «Սպերցյանը մեզ համար առաջնահերթ տարբերակ չէ։ Նա թանկ ֆուտբոլիստ է»,- ասել է Ռոսին։ Ըստ տեղեկությունների Սպերցյանը ցանկանում է կարիերան շարունակել «Այաքսում» և այլ տարբերակներ լրջորեն չի դիտարկել։ Ամստերդամի «Այաքսը» պաշտոնապես դիմել էր «Կրասնոդար» ֆուտբոլային ակումբին՝ Սպերցյանի տեղափոխության հարցով։ Հաղորդագրության համաձայն՝ «Այաքսի» ղեկավարը կապ էր հաստատել հայ կիսապաշտպանի գործակալների հետ։ Voetbalnieuws-ը գրել էր, որ Սպերցյանին ձեռք բերելու համար «Այաքսը» պետք է վաճառեր քանի ֆուտբոլիստի։
«Այաքսի» եկամուտը նվազել է 45 միլիոն եվրոյով, քանի որ հոլանդական ակումբը չի նվաճել Չեմպիոնների լիգայի հաջորդ խաղարկության ուղեգիր: Ամստերդամցիները այս մրցաշրջանում կխաղան Եվրոպա լիգայում»,- գրել էր վերը նշված պարբերականը։ Ինչևէ, ձախողված գործաքի պատճառով Սպերցյանի ապագայի հարցում իրավիճակը բարդացավ։ Նախօրեին ինսայդեր Կիրիլ Ռադչենկոն տեղեկություն էր տարածել, որ իսպանական Լա լիգան ներկայացնող ակումբներից մեմը շուտով պաշտոնական առաջարկ կներկայացնի «Կրասնոդարին» Սպերցյանի տրանսֆերը ձեռք բերելու հաամար: Իսկ թե որ ակումբի մասին է խոսքը Ռադչենկոն չէր նշել։ Արձանագրենք թերևս, որ ամառային տրանսֆերային պատուհանի ընթացքում «Կրասնոդարից» չհեռանալու դեպքում Սպերցյանի խաղում հնարավոր է սկիզբ առնի լճացման պրոցեսը։
Սպերցյանի մակարդակի ֆուտբոլիստի Ռուսաստանում մնալը ընդունենք, որ վտանգավոր է։ Շատ էր խոսվում, որ եվրոպական թիմից լավ առաջարկի դեպքում «Կրասնոդարի» ղեկավարությունը և մասնավորապես ակումբի սեփականատեր Սերգեյ Գալիցկին չի խոչընդոտի մեր ֆուտբոլիստի տեղափոխությանը։ Վերջին զարգացումները սակայն ստիպում են ենթադրել, որ այսպես կոչված լավ առաջարկ «Կրասնոդարը» չի ստացել։ Բնական է, որ տրանսֆերի հարցում մեծ նշանակություն ունի ֆինանսական կողմը։
