Ըստ Radar Armenia–ի տեղեկությունների՝ ՊԵԿ-ը հսկողական միջոցառումներ է իրականացրել թեթև մարդատար ավտոմեքենաների ներկրմամբ և օտարմամբ զբաղվող թվով 18 սուբյեկտների մոտ։ Ի հետևանս՝ վերջիններիս կողմից ներկայացվել են ճշտված հարկային հաշվարկներ։ Դրա արդյունքում՝ ՀՀ պետական բյուջեից փոխահատուցման ենթակա ԱԱՀ գումարները նվազել են 3.2 մլրդ դրամով:
Միաժամանակ, նույն ոլորտի առանձին հարկ վճարողների կողմից 281 մլն դրամի չափով ճշտված հաշվարկներով ավելացվել է շահույթի գումարը, ինչի արդյունքում առաջացել է 51 մլն դրամի լրացուցիչ շահութահարկ:
Ինքնուրույնաբար հարկերը հայտարարագրած ավտոներկրմամբ զբաղվող սուբյեկտները շարունակում են իրենց բնականոն աշխատանքը:
Ոլորտի մնացած հարկ վճարողների մոտ հսկողական աշխատանքները շարունակվում են և առաջիկայում նախատեսվում են պետական բյուջեում նոր վերականգնումներ:
