Հայ Արիական Միաբանությունը (ՀԱՄ) վերակազմավորվում է:
Հայաստանը՝ տարածաշրջանային Համաարիական հոգևոր, ռազմա-տնտեսական և մշակութա-քաղաքական կենտրոն
ՀԱՄ գերագույն խորհրդի և հոգևոր հանձնախմբի նախաձեռնությամբ՝ ս.թ. դեկտեմբերի 1-ին՝ ժամը 08:00-ին, Գառնի պատմական տարածքում տեղի ունեցավ Հայ Արիական Միաբանության կառույցների արտահերթ հավաք:
Մինչ հավաքը հոգևոր հանձնախմբի կողմից ընտրված ՀԱՄ քրմական դասի թեկնածուները Գառնո արիական-հեթանոսական տաճարում կատարեցին հայ-արիական հոգևոր արարողություն և ծես, փառաբանեցին Տիեզերքի Արարչին, հայ աստվածներին և հայոց նախնյաց: Քրմի թեկնածուները ծիսական արարողություն կատարեցին նաև արտահերթ հավաքի անցկացման վայրում…
ՀԱՄ արտահերթ հավաքին, բացի գերագույն խորհրդի և հոգևոր հանձնախմբի կազմերից (նաև քրմի թեկնածուներից), մասնակցեցին ՀԱՄ կառույցի` քաղաքամայր Երևանի, ՀՀ բոլոր մարզերի, Արցախի ու Ջավախքի, Ռուսաստանի Դաշնության, Վրաստանի, Հունաստանի, Հնդկաստանի, Իրանի Իսլամական Հանրապետության, Մերձավորարևելյան խմբի (Լիբանան, Սիրիա, Իրաք) և Ամերիկայի Միացյալ Նահանգների`
1. Հայաստանի հայ-արիական կուսակցության (ՀՀԱԿ),
2.« Հայ-արիական ցեղապաշտական դաշինք» (ՀԱՑԴ) հասարակական կազմակերպության,
3. ՀԱՄ արիական հետազոտությունների կենտրոնի,
4. ՀԱՄ «Արցախյան պատերազմի մասնակիցներ»-ի խորհրդի,
5. Հայ արիական կենտրոնի (գիտամշակութային, ստեղծագործական և մարզական (նաև` մարտարվեստների) խմբեր),
6. ՀԱՄ լրատվական կենտրոնի («Հայ-Արիներ» պաշտոնաթերթ և www.hayary.org կայքէջ),
7. ՀԱՄ տեղեկատվական-վերլուծական կենտրոնի,
8. ՀԱՄ «Ոգու պահապաններ» ուսանողական ու երիտասարդական միության,
9. ՀԱՄ «Հայ-արորդիներ» մանկապատանեկան ակումբի,
10. «Արիական արահետ» տնտեսվարական միավորման լիազոր-ներկայացուցիչները, ինչպես նաև` ՀԱՄ նհատ միաբան անդամներ, համակիր և օժանդակ շրջանակների լիազոր ներկայացուցիչներ:
Հրավիրյալներից ներկա էին Հայ ազգայնականների համախմբման (ՀԱՀ), Ազգային արժեքների պաշտպանության հանձնախմբի (ԱԱՊՀ) և ,,Լուսանցք,, շաբաթաթերթի ներկայացուցիչներ,
նաև օտարերկրյա հյուրեր` «Սլավոնա-արիական» (առավելապես` «Ռուս-Արիական») դաշինքի և ՀՀ եզդիական արևապաշտական համայնքի ներկայացուցիչներ:
Քննարկվել են հետևյալ թեմաները.
1. Հայաստանում (հասկանալ նաև Արցախ ու Ջավախք) և Սփյուռքում հայության մեջ իրապես հայ ազգայնական, հայ-արիական գաղափարների քարոզչություն ու ամրագրում:
2. Հայաստանում (հասկանալ նաև Արցախ ու Ջավախք) և Սփյուռքում հայ արիադավան-հեթանոսական հավատի քարոզչություն և ամրագրում: Քրմական դասի և համայնքների ձևավորում:
3. Արիադավան-հեթանոսական ծիսակարգի ու արարողակարգի պատմա-հոգևոր վերականգնմանն ուղղված բարեփոխումներ: Հայոց հավատում Տիեզերակարգի (Արարչակարգի) վերականգնման խնդիրներ:
4. Երևանում Հայ-արիական և համաարիական համաժողովներ անցկացնելու և Հայ-Արիական գլխավոր տաճար կառուցելու հարցեր:
5. ՀՀ իշխանությունների և ընդդիմադիր ուժերի հետ նորովի և ազգակերտ հարաբերություններ:
6. Հայաստանը տարածաշրջանային համաարիական հոգևոր, ռազմատնտեսական և մշակութաքաղաքական կենտրոն դարձնելու հարցեր:
7. Հայ արիական միաբանության 17-ամյակի (1993 թ. դեկտեմբերի 15) միջոցառումներ Հայաստանում (հասկանալ նաև Արցախ ու Ջավախք) և Սփյուռքում:
Լսվեց ՀԱՄ առաջնորդ Արմեն Ավետիսյանի համապարփակ զեկույցը ՀԱՄ կառույցների 17-ամյա գործունեության, ներկա վիճակի և հետագա անելիքների մասին: Ներկայացվեց նաև ՀԱՄ մի շարք անդամների շուրջ 22-ամյա քաղաքական ու մարտական գործունեությունը և կարևորվեց այդ փորձի կիրառման անհրաժեշտությունը ՀԱՄ հետագա գործողություններում:
Հայ Արիական Միաբանության լրատվական կենտրոն
01.12.2010 թ. – Գառնի