Մեր սխալներն սկսվել են ամենասկզբից, որ երբ սկսվեց հայերի փախուստը Ադրբեջանը տարբեր քաղաքներից ու շրջաններից, ոչ ոք նրանց տեր չէր կանգնում: Այս մասին «Առաջին լրատվական»-ի հետ զրույցում նշեց Շահումյանի շրջանի նախկին ղեկավար, կուսշրջկոմի 1-ին քարտուղար Վլադիմիր Աղաջանյանը:
«Մինչև ստեղծեցին նոր կազմակերպություն Վլադիմիր Խովսիսյանի գլխավորությամբ, որը Հայաստանի ամենամեծ հայրենասերն ու գիտակն էր, թե Հայաստանում ինչ է կատարվում: Չթողեցին, որ այդ մարդն իր նպատակը կատարի, այնպես արեցին, որ թողնի, գնա Մոսկվա: Շահումյանը մի փոքր շրջան էր, բայց այդ տարիներին Կիրովաբադից, Մինգեչաուրից, Եվլախից, տարբեր գյուղերից ու քաղաքներից բազմաթիվ հայ փախստականներ եկան շատ վատ պայմաններում: Մենք մեր սուղ պայմաններում նրանց համար պայմաններ ստեղծեցինք, բայց հետագայում այդ գործը չշարունակվեց: Մենք այդ տվյալները տվել էինք Հայաստանի ղեկավարությանը, ես անձամբ մոտեցել եմ, մարդկանց ասել եմ: Մովսիսյանից հետո մի երիտասարդ ՀՀՇ-ականի նշանակեցին, «պրավալ տվեց», ոչ մի բան չկատարեց»,-ասաց նա՝ հավելելով, որ այդ ամենի պատճառն այն էր, որ բոլորն էլ ոչ կոմպետենտ էին:
