Հաջորդ տարի կնշվի ՁԻԱՀ-ի համաճարակի 30-րդ տարին: Այս ուղենիշը հարմար պահ է ստեղծում՝ անդրադարձ կատարելու և վերանայելու մեր վճռականությունն այս հարցում:
Անցած 3 տասնամյակներին ՁԻԱՀ-ը անհաշիվ վարակների ու մահվան դեպքերի պատճառ է դարձել: Սակայն մեկ այլ իրադարձություն էլ է զարգացել այդ տարիներին. դա ողջ հասարակության` գործողություններ ձեռք առնելու ու կյանքեր փրկելու աշխույժ միավորումն է: Ողջ աշխարհում նման ջանքերը էական փոփոխություններ են կատարում:
Ավելի քիչ մարդիկ են վարակվում ՄԻԱՎ-ով: Միլիոնավոր մարդիկ հնարավորություն են ստացել ՄԻԱՎ-ը բուժել: Ավելի շատ կանայք են այժմ ի վիճակի իրենց երեխաներին պաշտպանել ՄԻԱՎ-ի վարակից: Շատ երկրներում ՄԻԱՎ-ով հիվանդներին ճամփորդելու արգելանքից ազատում են, քանի այդ խարանը տեղի է տալիս, թեպետ շատ դանդաղ, ու ճանապարհ է հարթում կարեկցանքի և մարդու իրավունքների ճանաչման համար:
Համերաշխությամբ ու պարտավորության զգացումով` այս շարժումը օգնում է աշխարհին շրջադարձ կատարել ՁԻԱՀ-ի համաճարակի հարցում: Մենք վերջապես հասել ենք Հազարամյակի զարգացման 6-րդ նպատակի առաջին մասին` կանգնեցնել և ետ շրջել ՄԻԱՎ-ի տարածումը: Մենք պետք է շարունակենք ծրագրել առաջիկայի նոր և համարձակ մի ուղի:
Մեր ընդհանուր նպատակը պարզ է. ՄԻԱՎ-ի կանխարգելման, բուժման, խնամքի ու օժանդակության մատչելիության համընդհանրություն: Մենք նաև պետք է աշխատենք, որպեսզի ՁԻԱՀ-ի նկատմամբ արձագանքը կայուն բնույթ կրի:
Երեք տասնամյակ այս ճգնաժամում գտնվելով` եկեք մեր նպատակը դարձնենք «երեք զրոների» ձեռքբերումը. ՄԻԱՎ-ով վարակի թվով զրո նոր դեպք, զրո խտրականություն և ՁԻԱՀ-ով մահվան զրո դեպք: ՁԻԱՀ-ի համաշխարհային այս օրը եկեք խոստանանք միասին աշխատել` ողջ մարդկության համար այս տեսլականն իրագործելու ուղղությամբ:
Պան Գի Մուն