Նախօրեին ֆուտբոլի Հայաստանի ազգային հավաքականի գլխավոր մարզիչ Ալեքսանդր Պետրակովը հրապարակեց այն ֆուտբոլիստների անունները, որոնք նախապատրաստվելու են 2024 թվականի Եվրոպայի առաջնության ընտրական փուլի առաջիկա հանդիպումներին։ Հիշեցնենք, որ հունիսի 16-ին մեր ազգային թիմը հուրընկալվելու է Ուելսին, իսկ երեք օր անց Երևանում մրցվելու է Լատվիայի հետ։ Պետրակովի հրավիրած 28 ֆուտբոլիստների տրանսֆերային արժեքը կազմում է 29․63 միլիոն եվրո։ Փաստորեն, այս պահին մեր գլխավոր թիմի տրանսֆերային պոտենցիալը մոտ 30 միլիոն եվրո է։ Այս պահին Հայաստանի ամենաթանկ ֆուտբոլիստը շարունակում է հանդիսանալ «Կրասնոդարի» կիսապաշտպան Էդուարդ Սպերցյանը։ 23-ամյա ֆուտբոլիստի տրանսֆերային արժեքը 9 միլիոն եվրո է, սակայն մեծ է հավանականությունը, որ մոտ ապագայում այն կավելանա։ Նշենք, որ Սպերցյանը օրեր առաջ ճանաչվեց 2022/2023 թթ մրցաշրջանի Ռուաստանի լավագույն կիսապաշտպան։ «Կրասնոդարի» կազմում նա Ռուաստանի ավարտված առաջնությունում դարձել էր 10 գոլի հեղինակ և կատարել 12 գոլային փոխանցում։ Չմոռանանք, որ անցյալ տարվա դեկտեմբերին «Կրասնորդարի» կիսապաշտպանը ճանաչվել էր Հաայաստանի տարվա լավագույն ֆուտբոլիստ։ Հայաստանի ազգային հավաքականի կազմում Սպերցյանը խփել է երեք գնդակ։ Մինչ Սպերցյանի կտրուկ վերելքը՝ հայաստանցի ամենաթանկ ֆուտբոլիստերն էին «Ինտերի» ներկայացուցիչ Հենրիխ Մխիթարյանը և ամերիկյան «Կոլամբուս Քրյուի» կիսապաշտպան Լուկաս Սելարայանը։ Վերջինս հանդիսանում էր Հայաստանի ազգային հավաքականի ամենաթանկ ֆուտբոլիստը։
Այս պահին Սելարայանի տրանսֆերը կազմում է 7, իսկ Մխիթարյանի տրանսֆերը՝ 6 միլիոն եվրո։ Հայաստանի հավաքականի ամենաթանկ ֆուտբոլիստների հաշվարկում Սելարայանին հաջորդում է Սլովակիայի «Սլովանի» կիսապաշտան Տիգրան Բարսեղյանը։ Վերջինիս տրանսֆերային արժեքը կազմում է 2․2 միլիոն եվրո։ 4-րդ հորիզոնականում գերմանական «Քյոլնի» հարձակվող Սարգիս Ադամյանն էր, որի տրանսֆերային արժեք 2 միլիոն եվրո է։ Նշենք որ Պետրակովն առաջիկա հանդիպումներին Ադամյանին չի հրավիրել։ Այս ֆուտբոլիստը խաղաժամանակ չի ստանում իր թիմի կազմում։ Վերջին ամիսների համեմատ Ադամյանի տրանսֆերտ նվազել է ևս կես միլիոն եվրոյով։ Այս պահին 4-րդը Հայաստանի ազգային հավաքականի նորեկ, Մոսկվայի «Լոկոմոտիվի» պաշտպան Նաիր Տիկնիզյանն է։ Նրա տրանսֆերային արժեքը ևս 2 միլիոն եվրո է։ 5 հորիզոնականում է «Ռոստովի» ներկայացուցիչ Խորեն Բայրամյանը։ Վերջինիս տրանսֆերային արժեքը գնահատված է 1․5 միլոն եվրոյով։ 1․5 միլիոն է նաև Վլադիկավկազի «Ալանիայի» կիսապաշտպան Արթուր Գալոյանի տրանսֆերային արեժքը։ Վերջին թարմացումից հետո այս խաղացողի տրանսֆերն ավելացել է ևս 300 հազար եվրոյով։
Հիշեցնենք, որ Գալոյանն անցյալ տարի էր ստացել Հայաստանի քաղաքացիություն։ Նոյեմբերին նա նորամուտը նշեց Հայաստանի ազգային թիմի կազմում՝ մասնակցելով Ալբանիայի դեմ ընկերական հանդիպմանը։ Թուրքիայի և Կիպրոսի դեմ հանդիպումներին սակայն մեր հավաքականի գլխավոր մարզիչ Ալեքսանդր Պետրակովը Գոլոյանին չէր հրավիրել։ Գալոյանը տեղ չի գտել նաև Պետրակովի վերջին ցուցակում։ Ինչևէ, 6-րդ հորիզոնականում է լեհական «Պոգոնի» կիսապաշտպան Վահան Բիչախչյանը 1 միլիոն եվրոյով։Մեր հավաքականի ավագ, ղազախական «Աստանայի» պաշտպան Վարազդատ Հարոյանի տրանսֆերային արժեքն ևս մեկ միլիոն եվրո է։
Վերջին թարմացումից հետո Հարոյանի տրանսֆերային արժեքը նվազել է 200 հազար եվրոյով։ Նշենք,որ Ղազախական «Աստանայի» մեկ այլ պաշտպան Կամո Հովհաննիսյանի արժեքը նվազել է 100 հազար եվրոյով և հիմա կազմում է 900 հազար եվրո։ Այս պահին ազգային հավաքականում ունենք 7 ֆուտբոլիստներ, որոնց տրանսֆերային արժեքը մեկ միլիոն եվրո և ավելի է։ Մյունխենգլադբախի «Բորուսիայի» հետ վերջերս պայմանագիր կնքած Հրանտ Լեոն-Ռանոսի տրանսֆերային արժեքը կազմում է 325 հազար եվրո։ Հայաստանի ազգային նորեկ, «Ալաշկերտի» դարպասապահ Օգնյեն Չանչարևչի տրանսֆերը գնահատված է 200 հազար եվրոյով։
