Հայ ռազմագերիների մասնակցությամբ տեսանյութում իրականության հետ խզում կա

Հայ-ադրբեջանական երկարատև բանակցային մարաթոնի ֆոնին տարածաշրջան է այցելում Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը։ Նա այսօր ժամանելու է Հայաստան, որից հետո մեկնելու է Ադրբեջան։ Այցին ընդառաջ թվիթերյան էջում հայտնել է՝մեկնում է Երևան՝ շարունակելու «Եվրամիության բարձր մակարդակի ներգրավվածությունը»։ Պատահական է արդյոք, որ Տոյվո Կլաարի այցին ընդառաջ Ադրբեջանը հայ ռազմագերիների մասնակցությամբ քարոզչական տեսանյութ է հրապարակում, և ինչ հարց է դրանով փորձում լուծել։ Թեմայի շուրջ «Առաջին լրատվական»-ը զրուցել է Եվրոպական դատարանում հայ գերիների շահերի ներկայացուցիչ, փաստաբան, իրավապաշտպան Սիրանուշ Սահակյանի հետ: