Այսօր լրանում է մեծանուն կոմպոզիտոր, համաշխարհային դասական Արամ Խաչատրյանի 120-ամյակը: Երեք օր շարունակ, ժամը 20:00-ից Երևանի մշակութային տարբեր կենտրոններում կներկայացվեն Արամ Խաչատրյանի բալետային գլուխգործոցները: Թեմայի շուրջ «Առաջին լրատվական»-ը զրուցել է Հայաստանի պետական սիմֆոնիկ նվագախմբի գեղարվեստական ղեկավար, գլխավոր դիրիժոր Սերգեյ Սմբատյանը:
Սմբատյանի խոսքով՝ Արամ Խաչատրյանը մարդ է, ով մեզ թույլ է տալիս ավելի մեծ երազել և աշխարհի հետ հավասար լեզվով խոսել․«Արամ Խաչատրյանի 120-ամյակն է և սիմֆոնիկը պարտադիր կլինի բեմում: Հունիսի 6-ը այն օրն է, որ ոչ միայն Երևանում, այլ նաև տարբեր վայրերում պետք է հնչի Արամ Խաչատրյան»:
