Գերմանիայի Լայպցիգ քաղաքում բախում է տեղի ունեցել ձախակողմյան ցուցարարների և ոստիկանների միջև։
Ինչպես գրում է լրատվամիջոցը, բողոքի ելույթը հաջորդել է գերմանական դատարանի որոշմանը, ըստ որի՝ ենթադրյալ ձախ ծայրահեղականը դատապարտվել է հինգ տարվա ազատազրկման։
Գործով գլխավոր դատապարտյալին մեղադրանք է առաջադրվել աջ ծայրահեղականների նկատմամբ հաշվեհարդար տեսնելու և հանցավոր կազմակերպությանն անդամակցելու համար։
Լրատվամիջոցների տեղեկություններով՝ այն բանից հետո, երբ «Անտիֆա»-ն և ձախակողմյան այլ խմբեր հանդես եկան բողոքի ակցիաներ կազմակերպելու և հասարակական օբյեկտներն ու գրասենյակները վնասելու կոչով, ոստիկանությունը չեղարկեց Լայպցիգում ցույցի իրավունքը։
Ոստիկանությունը փորձել է բանակցել հանրահավաքի կազմակերպիչների հետ, քանի որ ցուցարարները սկսել են քարեր հավաքել։ Ինչպես գրում են լրատվամիջոցները, իրավիճակի սրումը սկսվել է, երբ ցուցարարները զանգվածաբար հարձակվել են ոստիկանների վրա։ Ըստ տեղեկությունների՝ առերեսման հետևանքով մի քանի ոստիկան է վիրավորվել։
