Բելգիայի վարչապետ Ալեքսանդր դե Կրոսն ընկել է հեծանիվից և հոսպիտալացվել։ Այս մասին հայտնում է RTBF բելգիական հրատարակությունը։
Միջադեպը տեղի է ունեցել շաբաթ օրը՝ հունիսի 3-ին, երբ դե Կրոսը որդու հետ հեծանիվ էր քշում: Ընկնելու ժամանակ քաղաքական գործիչը ուժեղ հարված է ստացել գլխի շրջանում և կարճ ժամանակով կորցրել գիտակցությունը։ Բժիշկները հայտնել են, որ դե Կրոսը լուրջ վնասվածքներ չունի։
Բելգիայի վարչապետը տեսագրել է մի տեսանյութ, որում գործընկերներին, բաժանորդներին ու ընտրողներին վստահեցնում է, որ իր հետ ամեն ինչ կարգին է։ «Սպորտն օգտակար է առողջության համար, սակայն երբեմն պետք է ավելի զգույշ լինել»,- ասել է դե Կրոսը: