Հունգարիան չի պատրաստվում հրաժարվել ռուսական էներգակիրներից, սակայն բանակցություններ է վարում այլ արտադրողների հետ դիվերսիֆիկացման նպատակով,- ասել է Հունգարիայի արտաքին գործերի նախարար Պիտեր Սիյարտոն։
«Մենք չենք պատրաստվում փոխել նավթի կամ բնական գազի ռուսական մատակարարին։ Ռուսաստանը մեզ համար հուսալի գործընկեր էր՝ և՛ որպես Գազպրոմ, և՛ որպես նավթ արտադրող։ Մեկ այլ խնդիր է դիվերսիֆիկացիան: Մեր տեսանկյունից դա չի նշանակում, որ մենք ուզում ենք մի աղբյուրը փոխարինել մյուսով։ Դիվերսիֆիկացիան մեզ համար նշանակում է, որ մենք փնտրում ենք այլ աղբյուրներ, բայց ոչ ռուսական ռեսուրսները փոխարինելու նպատակով»,- ասել է Սիյարտոն։
Հունգարիայի արտաքին գործերի նախարարի խոսքով, Ադրբեջանն ու Թուրքիան հիմնական մատակարարներն են, որոնք կարող են Հունգարիային լրացուցիչ ծավալներով բնական գազ տրամադրել։ Ինչպես նշում է Սիյարտոն, Հունգարիան իրենց հետ բանակցություններ է վարում այս հարցի շուրջ։
