Քիշնևից հետո չեղավ համատեղ հայտարարություն, որի բացակայությունը հուշում է՝ խնդիրներ կան: «Առաջին լրատվական»-ի հետ զրույցում նշեց ՀԱԿ փոխնախագահ Լևոն Զուրաբյանը:
Զուրաբյանի դիտարկմամբ՝ ակնհայտ է Ֆրանսիայի համակրանքը Հայաստանի նկատմամբ, որին անմիջապես արձագանքել Բաքուն ու դատապարտել․ «Փարիզի համակրանքից շատ ոգևորվել պետք չէ: Ֆրանսիայի համակրանքից որոշ օգուտներ կարող ենք քաղել, բայց Ֆրանսիան ռազմական միջամտության չի գնա, եթե ՀՀ-ն ռազմական հարձակման ենթարկվի»:
Անդրադառնալով անկլավների թեմային, Զուրաբյանը նկատեց․ «Եթե մենք անկլավների հարցը լուծում ենք, դա ստեղծում է պայթյունավտանգ օջախներ: Անկլավների հարցը պետք է լուծել այն ժամանակ, երբ ՀՀ-ի ու Ադրբեջանի միջև հաստատվի փոխադարձ բարիդրացիական մթնոլորտ: Անկլավների տերիտորիալ գումարների մեծությունը հավասար են իրար: Անկլավները պաշտոնապես կարող են որպես փոխանակում ձևակերպել»:
