Քիշնևի հանդիպումից հետո ընդգծվեց մի հանգամանք, որ Ադրբեջանը տեղի տվեց նախկին հայտարարություններին: «Առաջին լրատվական»-ի հետ զրույցում նշեց Արդար Հայաստան կուսակցության նախագահ Նորայր Նորիկյանը:
Նորիկյանը կարծում է, որ Քիշնևի հանդիպումը բեկումնային չէր․ «Կողմերին չի հաջողվում անկյունաքարային հարցերի շուրջ հասնել կոնսենսուսի: Պետք է արձանագրենք՝ շրջադարձային բանակցություններ չեն եղել: Տպավորություն է՝ Ադրբեջանի ու Հայաստանի միջև հիմնական հարցերը տեղափոխվել են արևմտյան հարթակ, իսկ կոմունիկացիաների հարցը՝ կրեմլյան հարթակ»:
Նորիկյանի խոսքով՝ Փաշինյանի այդ քաղաքականությունը Ալիևի ախորժակը դարձնում է անհագ․«Ադրբեջանի կողմից անկլավների թեման տաքացնելը հնարավոր է միտված է խաղաղ գործընթացը պայթեցնելուն»:
