Բասկետբոլի Հայաստանի ազգային հավաքականը եկող տարի կմասնակցի աշխարհի առաջնության ընտրական փուլին։ Այս մասին «Առաջին լրատվականի»-ի հետ զրույցում ասաց Հայաստանի բասկետբոլի ֆեդերացիայի գլխավոր քարտուղար Արթուր Նազարյանը։ Մինչ այդ հունիսի 16-ին և 17-ին Հայաստանի ու Ֆրանսիայի հավաքականներն ընկերական խաղեր կանցկացնեն ԱՄՆ-ի Լոս Անջելես քաղաքում։ Ֆրանսիան Եվրոպայի գործող փոխչեմպիոնն է, իսկ Հայաստանը՝ ՖԻԲԱ Եվրոպայի փոքր երկրների առաջնության հաղթող։ «Անցյալ տարի մենք հաղթեցինք ՖԻԲԱ-ի փոքր երկրների առաջնությունում, իսկ ապագայում ցանկանում ենք մասնակցել աշխարհի առաջնության ընտրական փուլի խաղերին։ Այդ իսկ պատճառով Լոս Անջելեսում կանցկացնենք ուսումնամարզական հավաք և ընկերական խաղեր։ Ես ոգևորված եմ, որ Ֆրանսիան համաձայնել է գալ և մասնակցել այս 2 խաղերին, նրանք աշխարհի ուժեղագույն թիմերից են։ Հայաստան-Ֆրանսիա խաղը հիանալի հնարավորություն կլինի Կալիֆորնիայում ապրող հայերի համար ներկա գտնվել խաղերին և աջակցել Հայաստանի հավաքականին»,- նշել է Հայաստանի ազգային հավաքականի գլխավոր մարզիչ Ռեքս Քալամյանը, որը նաև «Դետրոյթ Փիստոնս»-ի գլխավոր մարզչի օգնականն է։
«Եվրոպայի փոխչեմպիոնի հետ հանդիպումների նպատակն առաջին հերթին այն է, որ Հայաստանի հավաքականն ունենա խաղային պրակտիկա։ Մենք ուսումնամարզական հավաք ենք անցկացնում Լոս Անջելեսում և ցանկություն կար ստուգողական հանդիպումներ անցկացնել ուժեղ մրցակցի հետ։ Գալիք տարվա փետրվարին Հայաստանի հավաքականը պայքարը կսկսվի աշխարհի առաջնության ընտրական փուլում և Ֆրանսիայի հետ հանդիպումները շատ կարևոր են հատկապես խաղային փորձի տեսանկյունից։ Մեր նպատակներից էր նաև, որ Կալիֆոռնիայի բավական մեծ հայկական համայնքի ներկայացուցիչները հնարավորություն ունենան սեփական աչքերով դիտել Հայաստանի հավաքականի մասնակցությամբ հանդիպումներ»,- նշեց Նազարյանը։ Ի դեպ, մեր ազգային թիմում տեղի են ունեցել կադրային փոփոխություններ։ Մասնավորապես, Քալամյանն առաջիկա հանդիպումներում կփորձարկի թե փորձառու, թե երիտասարդ և թե նատուրալիզացված բասկետբոլիստների։ «Նոր խաղացողներից կարելի է առանձնացնել ԱՄՆ-ի «Փիլիբոսի» դպրոցում ելույթ ունեցող ելույթ ունեցող 16-ամյա Անտոն Բալյանին։ Վերջինս ունի 190 սմ հասակ, աչքի է ընկնում տպավորիչ խաղով և մոտ ապագայում կարող է դառնալ Հայաստանի հավաքականի հիմնական խաղացող։ Բալյանի հետ մեծ հույսեր ենք կապում։ Կարող եմ առանձնացնել նաև Երևանի ԲԿՄԱ-ի 18-ամյա ներկայացուցիչ Տիգրան Մկրտումյանին»,- հավելեց Նազարյանը։
Վերջինս նշեց նաև, որ Ֆրանսիայի հետ խաղերը մեծ ոգևորություն են առաջացրել Կալիֆոռնիայի հայկական համայնքում։ Մասնավորապես, մեծ թվով մեր հայրենակիցներ ցանկություն են հայտնել ներկա գտնվելու այդ հանդիպումներին։ Տոմսերի վաճառքն արդեն սկսվել է և ՀԲՖ-ի գլխավոր քարտուղարը հույս ունի ու մարզադահլիճը լեցուն կլինի։ Հայաստան-Ֆրանսիա հանդիպումները հեռարձակվելու են յութուբյան ալիքով։ Մի քանի հեռուստաընկերություններ ցաննկություն են հայտնել ցուցադրելու առաջիկա մրցավեճերը, սակայն այս հարցում դեռևս հստակություն չկա։ Հայաստանի ազգային հավաքականի ելույթները երկպագուները հնարավորություն կունենան դիտել նաև այս տարվա նոյեմբերին։ «Նախատեսում ենք այս տարվա նոյեմբերին Երևանում կազմակերպել միջազգային մրցաշար։ Կարևոր է, որ աշխարհի առաջնության ընտրական փուլի հանդիպումներից առաջ մեր հավաքականն անցնի նախապատրաստական ևս մեկ փուլ»,- ասաց Արթուր Նազարյանը։ Նշենք, որ 2016 թվականին բասկետբոլի Հայաստանի տղամարդկանց հավաքականն առաջին անգամ մասնակցելով բասկետբոլի Եվրոպայի փոքր երկրների առաջնությանը` դարձել էր մրցաշարի չեմպիոն:
Մեր ազգային թիմը իրավունք էր ստացել մասնակցելու Եվրոպայի առաջնության ընտրական փուլին։ Այս մրցաշարում Հայաստանի հավաքականը փալյուն ելույթով աչքի ընկավ մեր երկրում առաջացնելով բասկետբոլային բում։ Մասնավորապես խորվաթ մասնագետ Նիկշկա գլխավոժրությամբ Հայաստանի հավաքականը խմբային փուլում հաղթել էր այպիսի հավաքականների ինչպիսիք են Սլովակիան և Շվեդիան։ 2018 թվականին էլ Հայաստանի հավաքականը հաղթահարեց Եվրոպայի առաջնության նախընտրական առաջին փուլումը։ Մեր ազգային թիմն առավելության էր հասել Ալբանիայի նկատմամբ և զիջել Դանիային։
