Էրդողանը ինքն իրեն ծախում է որպես Սուննի աշխարհի պաշտպան: «Առաջին լրատվական»-ի հետ զրույցում նշեց Միջին Արևելքի հարցերով վերլուծաբան, Ռիատի «Ֆայսալ թագավորի անվան իսլամական հետազոտությունների կենտրոնի» ավագ փորձագետ Ժոզեֆ Քեշիշյանը:
Քեշիշյանի խոսքով` Էրդողանը ձգտում է, որ Սուննի աշխարհում իրեն հետևեն ոչխարի պես: Անդրադառնալով Սաուդյան Արաբիայի շուրջ զարգացումներին, Քեշիշյանը նկատեց. «Սաուդյան Արաբիան և ԱՄՆ-ն չեն կարող իրարից բաժանվել, դժվար օրեր են: ՍԱ-ի մեջ նոր պետություն կա, որը չի ընդունում ԱՄՆ պայմանները: ԱՄՆ-ն չի կարող Սաուդյան Արաբիայից «վազն անցնել» և հակառակը: Այդ փողը, որ գալիս է ՍԱ-ի մեջ ԱՄՆ-ից ու Եվրոպայից է: Սաուդյան Արաբիա-ԱՄՆ բաժանումը շատ դժվար կլինի»:
Ինչ վերաբերում է Հայաստան-ՍԱ հարաբերություններին, ապա Քեշիշյանը նկատեց, որ ճիշտ է Սաուդյան Արաբիան Հայաստանի հետ դիվանագիտական կապեր չունի, բայց պետք է ստեղծվի. «Հայաստանը կարող է Սաուդյան Արաբիային ջուր ծախել և դրանով կարևորվել: Նավթը մի օր կվերջանա, բայց ջուրը հավերժ է: Ջուրը խմում ես, որ ապրես. Հայաստանը կարող է սա ծախել աշխարհին»: