Ֆուտբոլի Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը հավակնում կարող է ճանավել Ռուսաստանի 2022/2023 թթ․ լավագույն ֆուտբոլիստ: Ռուսաստանի ֆուտբոլի միության ներկայացված հավակնորդների շարքում տեղ են գտել 10 խաղացողներ։ Բացի Սպերցյանից լավագույն կիսապաշտպանի տիտղոսին հավակնում են Քվինսի Պրոմեսը («Սպարտակ»), Մալկոմը («Զենիթ»), Իվան Օբլյակովը (ԲԿՄԱ), Ֆյոդոր Չալովը (ԲԿՄԱ), Արտյոմ Ձյուբան («Լոկոմոտիվ»), Իգոր Ակինֆեևը (ԲԿՄԱ), Վլադիմիր Պիսարսկին («Օրենբուրգ» / «Կռիլյա Սովետով»), Ալեքսանդր Սոբոլևը («Սպարտակ») և Լուկաս Վերան («Օրենբուրգ»)։ Քվեարկությանը կմասնակցեն ՌՊԼ-ի թիմերի գլխավոր մարզիչներն ու ավագները, լիգայի լեգենդներն ու «Матч Премьер» հեռուստաընկերության ներկայացուցիչները։ Հավասար արդյունքի դեպքում հաշվի կառնվեն երկրպագուների ձայները։ Մրցանակաբաշխությունը տեղի կունենա հունիսի 4-ին։
Նշենք, որ Էդուարդ Սպերցյանը հավակնում է նաև Ռուսաստանի առաջնության լավագույն կիսապաշտպանի մրցանակին։ Ռուսաստանի ընթացիկ առաջնությունում մեր հավաքականի խաղացողն անց կացրել է 27 հանդիպում դարձել 10 գոլի և 11 գոլային փոխանցման հեղինակ: Նշենք, որ Սպերցյանը 2022 թվականին ճանաչվել էր Հայաստանի լավագույն ֆուտբոլիստ։ Ռուս մասնագետները կքվեարկե՞ն արդյոք Սպերցյանի օգտին։ Այն որ, Սպերցյանն ընդգրկվել է Ռուսաստանի լավագույն 10 ֆուտբոլիստների շարքում արդեն իսկ մեծ ձեռքբերում կարելի է համարել։ Նշենք, որ Մրցաշրջանի ավարտից հետո մեր հավաքականի կիսապաշտպանն ամենայն հավանականությամբ կտեղափոխվի եվրոպական բարձրակարգ ակումբ։ Սպերցյանի ծառայություններով լրջորեն հետաքրքրված է ֆրանսիական «Մարսելը»։ «Ֆրանսիայից ուշադիր հետևում են Սպերցյանին։ իսապաշտպանը «Մարսելի» տրանսֆերային նպատակներից մեկն է։ Գլխավոր մարզիչ Իգոր Տյուդորը ցանկանում է Սպերցյանի հետ պայմանագիր կնքել՝ թիմի կիսապաշտպանությունում մրցակցություն ստեղծելու համար։Հայտնի է նաև, որ ֆուտբոլիստի հնարավոր տրանսֆերն ակտիվորեն դիտարկում են իտալական «Միլանն» ու «Ֆիորենտինան»: Այս ակումբները նույնպես հետևում են Սպերցյանի ելույթներին և կարող են ձեռք բերել նրան, եթե ոչ այս ամռանը, ապա հաջորդ ձմեռային տրանսֆերային պատուհանի ընթացքում:Երեք ակումբներն էլ պատրաստ են Սպերցյանի համար վճարել ոչ ավելի, քան 14 միլիոն եվրո՝ ներառյալ բոնուսները»,- գրել էր Sport24 պարբերականը։ Նշվում է, որ թիմի առաջ խնդիր է դրված ուժեղացնել հարձակման գիծը։
Սպերցյանի տրանսֆերը կարող է լուծել «Մարսելի» խնդիրներն առջևի գծում և նա դիտարկվում է որպես Դիմիտրի Պայետի հետնորդ ֆրանսիական թիմում։ Ավելի վաղ տեղեկություն էր տարածվել, որ Սպերցյանը հայտնվել է, Մինալի «Ինտերի» դիտակետում։ Այս մասին գրել էր Metaratings պարբերականը։ Նույն աղբյուրի համաձայն գերմանական մի քանի ակումբներ ևս ցանկանում են ձեռք բերել Սպերցյանի տրանսֆերը: Մասնավորապես, Սպերցյանի խաղին ակտիվորեն հետևում են գերմանական «Բայեր», «Ֆրայբուրգը», Մյունխենգլադբախի «Բորուսիան»։ Հիշեցնենք, որ ձմեռային տրանսֆերային պատուհանի ընթացքում Սպերցյանի տրանսֆերը ցանկանում էր ձեռք բերել հոլանդական ՊՍՎ-ն։ Ըստ տրանսֆերմարկետ պարբերականի Սպերցյանի տրանսֆերային արժեքն այս պահին 9 միլիոն եվրո է։
Հավանականությունը մեծ է սակայն, որ առաջիկա օրերին հայ ֆուտբոլիստի տրանսֆերային արժեքը կկրկնապատկվի։ Մրցաշրջանի գարնանային ավարտին Սպերցյանը գրանցում է հերթական կտրուկ աճը։ Ըստ մամուլում շրջանառվող տեղեկությունների «Միլանը», «Ֆիորենտինան» և «Մարսելը» պատրաստ էր Սպերցյանի տրանսֆերի համար «Կրասնոդարին» վճարել 14 միլիոն եվրո։ Թե եվրոպական որ լիգայում կարիերան կշարունակի Սպերցյանն այս պահին դժվար է ասել։
