Ոստիկանության Ապարանի բաժնի համայնքային ոստիկանները օպերատիվ տեղեկություն էին ստացել, որ մայիսի 19-ին Ապարանի նախկին զինկոմիսարիատի տարածքից մետաղյա լարան են գողացել:
Ինչպես տեղեկացրին ՀՀ ներքին գործերի նախարարության ոստիկանությունից, իրացնելով օպերատիվ տեղեկությունը՝ Ապարանի ոստիկանները մայիսի 26-ին գողությունը կատարելու հիմնավոր կասկածանքով ձերբակալել և բաժին են տեղափոխել 39-ամյա տղամարդուն:
Ըստ աղբյուրի՝ գողոնը հայտնաբերվել է: Ապարանցի տղամարդն ու կազմված փաստաթղթերը ներկայացվել են նախաքննական մարմին:
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
