Դժվար է այսօր խոսել Քիշնևում կայանալիք հնգակողմ հանդիպման ակնկալիքներից, ակնհայտ է, որ Հայաստանը տրամադրված է գործնական հարաբերությունների մեր գործընկերների հետ, տրամադրված։ է լարվածությունը լիցքաթափել: Այս մասին «Առաջին լրատվական»-ի հետ զրույցում նշեց ԱԺ «Քաղաքացիական խմբակցության պատգամավոր Վիգեն Խաչատրյանը՝ անդրադառնալով հունիսի 1-ին Քիշնևում կյանալիք հնգակողմ հանդիպմանը և դրանից ակնկալիքներին:
«Մենք անընդհատ ասում ենք, որ այդ բոլոր բանակցություններում կարևորվում է մի քանի հիմնահարց. Առաջինը Հայաստանի ինքնիշխանությունն է, տարածքային ամբողջականությունն է, դա սահմանների որոշակի փոխադարձ համաձայնությունն է, թե որն է մեր տարածքը, որն է ձեր տարածքը, որպեսզի միմյանցից հողային պահանջներ չունենանք, և իհարկե, արցախցիների անվտանգության և բոլոր իրավունքների երաշխավորումը միջազգային մակարդակով, որը պետք է լինի արդյունք Ադրբեջանի և Ղարաբաղի միջև բանակցությունների»,-ասաց նա: ՔՊ-ական պատգամավորի խոսքով, խաղաղության փաստաթղթի որոշ կետերի շուրջ կան տարաձայնություններ. «Մեծ մասով կարծես փոխըմբռնում կա, բայց վերջնական փոխհամաձայնություն բոլոր դետալների շուրջ, ասվում է, որ չկա»:
