Ամեն անգամ, երբ թվում է, թե դրական դինամիկա ունենք խաղաղության գործընթացում, ունենում ենք հակազդեցություն Բաքվից: «Առաջին լրատվական»-ի հետ զրույցում նշեց ԱԺ Քաղաքացիական պայմանագիր խմբակցության քարտուղար Արթուր Հովհաննիսյանը:
Պատգամավորի խոսքով՝ գործ ունենք ոչ կոնստրուկտիվ երկրի հետ, մեր անելիքն է առաջ տանել Հայաստանի շահը․ «Որոշակի մեծ աջակցություն ունենք արևմտյան գործընկերներից, որոնք բերում են Ադրբեջանին բանակցությունների կոնստրուկտիվ դաշտ: Խաղաղության այլընտրանքը պատերազմն է․ մեր պարտականությունն է ապահովել ՀՀ-ի ու Արցախի շուրջ խաղաղություն: Պետք է ապահովել Բաքու-Ստեփանակերտ երկխոսություն միջազգային հովանու ներքո»:
