Միացյալ Նահանգները դիտարկում է Հայաստանում և Եվրասիայի այլ երկրներում փոքր մոդուլային միջուկային ռեակտորներ կառուցելու հնարավորությունը՝ ձգտելով ամրապնդել այդ երկրների էներգետիկ անկախությունը Ռուսաստանից և Չինաստանից։ Այդ մասին ԱՄՆ Ներկայացուցիչների պալատի արտաքին հարաբերությունների ենթահանձնաժողովի լսումների ժամանակ հայտարարել է ԱՄՆ պետքարտուղարության Եվրոպայի, Եվրասիայի և Կենտրոնական Ասիայի աջակցության ծրագրերի համակարգող Մարիա Լոնգին։ Թեմայի շուրջ «Առաջին լրատվական»-ը զրուցել է Միջուկային անվտանգության փորձագետ Սուրեն Բզնունու հետ:
Բզնունու խոսքով` փոքր մոդուլային ռեակտորները լայնորեն օգտագործվում են տրանսպորտային նավերում, ռազմական ավիակիրներում. «Փոքր մոդուլային ռեակտորները թույլ են տալիս հեղափոխական կերպով բարձրացնել միջուկային ռեակտորների անվտանգությունը: Փոքր մոդուլային ռեակտորները բացառում են կախվածությունը արտաքին էներգիայի աղբյուրից: Հայաստանում փոքր մոդուլային ռեակտորի տեղադրումով կարող է կորցնենք ամբողջ էլեկտրացանցը»: