Հաղորդուղիների բացման հարցում ՌԴ-ն շտապում է, մրցակցություն է Կովկասի համար: «Առաջին լրատվական»-ի հետ զրույցում նշեց ՀՀ ֆինանսների նախկին նախարար Լևոն Բարխուդարյանը:
Բարխուդարյանի խոսքով՝ միջանցք հասկացողություն չպետք է լինի, վստահ եմ՝ հայկական կողմը չի ստորագրելու նման փաստաթուղթ. «Մենք պետք է պահանջատեր լինենք: Ալիևը շտապում է, ռուս-ուկրաինական պատերազմը Կովկասի հարցում շատ բան փոխեց: Հայաստանը միշտ եղել է կռվախնձոր հզոր իմպերիալների համար: Հայաստանը պատմականորեն միշտ ճկուն է եղել. այսօր շատ երկրներ մեզ են պաշտպանում»:
Տնտեսագետը կարծում է, որ Ալիևի վրա ճնշումներ կլինեն Քիշնևում և հույս կա, որ ի նպաստ մեզ փաստաթուղթ կստորագրվի. «Եթե այսօր սահմանը բացվի, բայց խաղաղության պայմանագիր չստորագրվի՝ պատերազմը կշարունակվի»:
