Հայաստանը այն կղզյակներից է, որտեղ շարժը ոչ թե դեպի ավտորիտարիզմն է, այլ ժողովրդավարությունը, որին վտանգ է սպառնում: «Առաջին լրատվական»-ի հետ զրույցում նշեց քաղաքագետ Էդգար Վարդանյանը:
Քաղաքագետը անդրադառնալով Freedom House-ի զեկույցին, նշեց, որ կառույցը հստակ անալոգիաներ է գծել․«ՀՀ ժողովրդավարությանը սպառնում է ավտորիտար Ադրբեջանը»:
Քաղաքագետը անդրադարձավ նաև ՀՀ վարչապետ Նիկոլ Փաշինյանի ասուլիսում հնչած որոշ հայտարարություններին, և դրան հետևած զարգացումներին, նկատելով, որ բանակցությունների վերջին ընթացքը լավատեսական է, հնարավոր է առաջխաղացում, սա դրդում է որոշ ուժերի ընդդիմանալ․ «Այս պրոցեսի տրամաբանությունը միջազգային ժողովրդավարական հանրությունն է առաջ քաշում․ ՀՀ իշխանությունը համահունչ է գործում: Այս ժողովրդավարական պրոցեսը դուր չի գալիս որոշ ուժերի, այն դիտարկում են սպառնալիք իրենց ունեցվածքին ու աշխարհընկալմանը»:
