Ակադեմիական քաղաքի կառուցումը բարդ պրոցես է, դրա իրագործման արդյունավետությունը բարձր չէ: «Առաջին լրատվական»-ի հետ զրույցում նշեց Գիտուժի անդամ, «ԱՅԲ» կրթական հիմնադրամի հոգաբարձուների խորհրդի նախագահ Արամ Փախչանյանը:
Փախչանյանը Ակադեմիական քաղաքի կառուցման շուրջ մտահոգություններ ունի. «Մտահոգությունս այն է, որ արվում է այն, ինչ ավելի հեշտ է անել. ինչ իրական մշակույթ ու միջավայր կձևավորվի Ակադեմիական քաղաքում: Առանց գիտության չի լինում կրթություն. կրթությունը գիտության ծառան է: Եթե չունեցանք ժամանակակից գիտական գործունեության, բուհերը վերածվելու են ավագ դպրոցների: Եթե գիտությունը մեռնում է, ինչու հարցի պատասխանի մշակույթն է մեռնում»: