Ռուսաստանի նախագահ Վլադիմիր Պուտինի հրամանագրի համաձայն՝ Վրաստանի քաղաքացիների համար առանց վիզայի ռեժիմ կսահմանվի մայիսի 15-ից, ինչպես նաև կվերացվի դեպի Վրաստան ուղիղ ավիահաղորդակցության և տուրերի վաճառքի արգելքը: Ռուսաստանում Վրաստանի նախկին դեսպան Վալերի Չեչելաշվիլին «Առաջին լրատվական»-ի հետ զրույցում նշել է, որ Ուկրաինայի դեմ բարբարոսական պատերազմի հետևանքով Ռուսաստանը գնալով թուլանում է և կորցնում իր դիրքերը:
Եվ Պուտինի կողմից վիզաների չեղարկումը փորձ է Վրաստանը ներքաշել ռուսական էկոհամակարգի մեջ: «Եթե Պուտինին թվում է, թե վիզաների չեղարկումով կարող է Վրաստանի արտաքին վեկտորը փոխել, դա իլյուզիա է»,-ասել է Չեչելաշվիլին՝ հավելելով, որ եթե ՌԴ-ն իսկապես ուզում է Վրաստանի հետ հարաբերությունները կարգավորել, թող զորքերը դուրս բերի մեր երկրից: Ավելին, ըստ նրա՝ որքան Վրաստանը ներքաշվի ՌԴ-ի հետ համագործակցության մեջ, այնքան բարդություններ կառաջանան դեպի ԵՄ ճանապարհին:
