Բանակցային ձևաչափերը ակտիվանում են և կարծես մեկը մյուսի հետ մրցակցում են: «Առաջին լրատվական»-ի հետ զրույցում նշեց քաղաքագետ Էմիլ Օրդուխանյանը:
Ըստ քաղաքագետի` Հայաստանը մանևրում է, չի մերժում որևէ ձևաչափ. «Թե Արցախում, թե Հայաստանում, որտեղ կա ռուսական ներկայություն Ադրբեջանը հաջողություններ է գրանցել և դա փաստ է: Ալիևը չի կարող անտեսել արևմտյան հարթակները: Ալիևը, որը բարբաջում էր Արցախի հարցի լուծված լինելու մասին, այդպես չէր: ԱԳ նախարարների մակարդակով վաշինգտոնյան հանդիպումը ինչ-որ առումով առաջընթաց են ստեղծել: Որքան շատ են հարթակները, այնքան մեծ են Հայաստանի հնարավորությունները»:
Անդրադառնալով ՀՀ վարչապետ Նիկոլ Փաշինյանի մայիսի 9-ի մոսկովյան այցին, քաղաքագետը նկատեց. «Փաշինյանի մասնակցությունը Հաղթանակի շքերթին քաղաքական առումով ընկալելի է Արևմուտքի համար: Փաշինյանի մասնակցությունը Հաղթանակի շքերթին ունի բարոյական կողմ, չի կարող բացասական հետևանքներ ունենալ»:
