Արցախում կոնկրետ պատասխանատվություն կրողը չկա. պետք է պայքարել: «Առաջին լրատվական»-ի հետ զրույցում նշեց «Միասնական հայրենիք» կուսակցության առաջնորդ Սամվել Բաբայանը:
Բաբայանը կարծում է, որ ճանապարհի հարցը պետք է միջազգային ատյաններում լուծել, հասնել Ադրբեջանի մեկուսացման. «Արցախի իշխանությունները պետք է ժամանակին պայքարեին, որ հակառակորդը կեղծ թեզը չշրջանառեր: Ունեինք հնարավորություն անցակետում սկան դնել ու հանձնել ռուսներին, որ նրանք չշահարկեն, բայց իշխանությունները ինձ չլսեցին: Հակառակորդը շահարկելով Արցախի իշխանությունների անգործությունը` առիթից օգտվեց: Ադրբեջանը ցույց տվեց` ՌԴ-ի վրա հույս մի դրեք, թույլ է, եկեք ինտեգրվեք: Ռուսաստանը թույլ է և չի կարողանում խնդիրները լուծել, չի ցանկանում երկրորդ ճակատ բացվի, մնացածը հեքիաթների շարքից է
Սամվել Բաբայանը իրեն պետնախարար նշանակելու մասին լուրերը ասեկոսեներ է համարում. «Արցախում հանրահավաքին ոչ ոք ինձ չի հրավիրել, բայց որն է նպատակը` դեմ են էթնիկ զտումներին, բայց չունեն հզոր պաշտպանություն: Մարդկանց պարտադրելով միտինգ չեն անում, ժողովուրդը պետք է ձևավորի պահանջ: Պետական ռեսուրսը օգտագործել ու ցույց տալ, որ հանրահավաքով ինչ-որ խնդիր են լուծում, ժողովուրդ, ծիծաղելի է, մի արեք: Խնդիր դնենք` անպայման Շուշին լինելու է մերը, Արցախը մնալու է, նրա տարածքները կարող ենք վերականգնել»: