Ռուսաստանին բռնակցված Սեւաստոպոլում անօդաչու թռչող սարքերի հարձակման հետեւանքով նավթի պահեստ է այրվել։
Միջադեպը տեղի է ունեցել այսօր առավոտյան Կազակական ծովածոցի մոտ։ Քաղաքի նահանգապետ Միխայիլ Ռազվոժաևի խոսքով՝ հրդեհը բռնկվել է պահեստի երկու տարբեր վայրերում և տարածքը կազմում է մոտ 1000 քմ։ Այրվել և վնասվել են չորս նավթատարներ:
Հրդեհն այս պահին գործնականում տեղայնացված է։ Միջադեպի հետևանքով զոհեր և վիրավորներ չկան:
