ԱՄՆ-ի շահերից կբխեր, եթե խորը ներգրավվեր Լաչինի հարցում: «Առաջին լրատվական»-ի հետ զրույցում նշեց ԱՄՆ Մասաչուսեթսի Սթոունհիլ քոլեջի պրոֆեսոր Աննա Օհանյանը:
Օհանյանի խոսքով` Ադրբեջանի քայլերը մինչև հիմա եղել են միջազգային քաղաքական սահմանների ներսում. «Ադրբեջանը հասկանում է քաղաքական սահմանները, այդ իսկ պատճառով միջազգային համայնքը հայտարարություններից անդին խորը քայլերի չի դիմում: Տարածաշրջանում ԱՄՆ-ն ընտրել է փափուկ ներգրավվածության տարբերակը: ԱՄՆ-ի համար Արցախի հարցը շատ ավելի դժվար է առաջ տանել ու լուծել: ԱՄՆ-ի շահերը արցախյան և հայ-ադրբեջանական հարցում շատ տարբեր են: Եթե ԱՄՆ-ն արցախյան կոնֆլիկտի հարցով հարթակ ստեղծի, դա կլինի խոշոր քայլ: ԱՄՆ-ի կողմից չեմ տեսնում նախաձեռնողականություն, որ արցախյան կոնֆլիկտի հարցով հարթակ ստեղծի»:
