Հանուն Հանրապետության կուսակցության նախագահ Արման Բաբաջանյանը ֆեյսբուքյան իր էջում գրել է. Հայաստանի խնդիրները չափազանց շատ ու բազմազան են: Դրանց հաղթահարումը չի կարող մի գերատեսչություն ստանձնել:
Անկատար պետական ինստիտուտների կողքին պատասխանատվություն պետք է ստանձնեն քաղաքական, քաղաքացիական, ոչ կառավարական միավորները, ու դրա սահմանները պետք է դուրս գան Հայաստանի սահմաններից՝ բոլոր ուղղություններով Բեռլին, Փարիզ, Վաշինգտոն, Բրյուսել…
Armenia Advocacy Group-ը առաջին փորձն արեց՝ ԱՄՆ մայրաքաղաքի առաջատար ուղեղային կենտրոններում, ուր բոլորը կլանված են Ուկրաինայի իրադարձություններով, ուր Հայաստանը վաղուց մոռացված էր, ու հանկարծ լսվեց Հարավային Կովկասի փոքրիկ Հայաստանի զուսպ, բայց խրոխտ ձայնը:
Այդ ձայնը չի լռելու, Հայաստանը միշտ հնչելու է, լինելու է… միայն աշխատենք, անընդհատ աշխատենք, անդուլ աշխատենք:
