Ամերիկյան Նևադա նահանգի Կարսոն Սիթիի խորտկարաններից մեկում տեղի ունեցած հրաձգության պատճառով, նախնական տեղեկություններով, սպանվել է 3 մարդ, վիրավորվել` 8-ը: Այս մասին հաղորդում են ամերիկյան լրատվամիջոցները` հղում անելով տեղի իշխանություններին:
Զոհերի թվում են ԱՄՆ ազգային գվարդիայի զինվորականներ, որոնցից երկուսը մահացել են հիվանդանոցում: Երրորդ զոհը կին է, որը պատահաբար հայտնվել է կրակահերթի ճանապարհին: Իրավապահները պարզել են, որ հանցագործը 32-ամյա Էդուարդո Սենսիոնն է, որն այդ միջադեպից հետո ինքնասպան է եղել:
Հանցագործության դրդապատճառները հայտնի չեն: Սենսիոնը ծանոթ չի եղել սպանվածներից և ոչ մեկի հետ, սակայն ակնհայտ է, որ կրակը բացվել է հենց ազգային գվարդիականների ուղղությամբ:
