Թուրքիայի խորհրդարանը վավերացրել է ՆԱՏՕ-ին Ֆինլանդիայի անդամակցության փաստաթուղթը։ Օրենսդիր մարմինը հաստատել է օրինագիծը, որը թույլ է տալիս Ֆինլանդիային անդամակցել ՆԱՏՕ-ին։ Փաստաթղթին աջակցել է 276 պատգամավոր։
Թուրքիան դարձավ դաշինքի վերջին անդամը, որը վավերացրեց Ֆինլանդիայի անդամակցությունը ՆԱՏՕ-ին։ Հունգարիան նման որոշում կայացրեց օրեր առաջ։
Դաշինքի գլխավոր քարտուղար Ենս Ստոլտենբերգն արձագանքել է Թուրքիայի խորհրդարանի այս որոշմանը։
«Ես ողջունում եմ Թուրքիայի Ազգային վեհաժողովի քվեարկությունը Ֆինլանդիայի անդամակցության վավերացումը ավարտելու համար»,- «Twitter»-ում գրել է ՆԱՏՕ-ի գլխավոր քարտուղար Ենս Ստոլտենբերգը։
Նրա խոսքով, Ֆինլանդիայի անդամակցումը ՆԱՏՕ-ի ողջ ընտանիքն ավելի ամուր և անվտանգ կդարձնի։
