Ուկրաինայի նախագահ Վլադիմիր Զելենսկին չորս երկրների ղեկավարների հետ ժամանել է Բուչա՝ հարգելու ռուսական օկուպացիայի ժամանակ զոհվածների հիշատակը։
Կիևի շրջանի Բուչա քաղաքի՝ ռուսական ուժերից ազատագրման տարեդարձին Զելենսկիի հետ Բուչա են ժամանել Սլովակիայի վարչապետ Էդուարդ Հեգերը, Սլովենիայի վարչապետ Ռոբերտ Գոլոբը, Խորվաթիայի վարչապետ Անդրեյ Պլենկովիչը և Մոլդովայի նախագահ Մայա Սանդուն:
Հինգ երկրների ղեկավարները եկել էին Սուրբ Անդրեասի եկեղեցի, որի բակում անցյալ տարի հայտնաբերվել էին սպանված տեղի բնակիչների զանգվածային գերեզմաններ։ Ուկրաինական լրատվամիջոցների փոխանցմամբ, Բուչայի ազատագրման տարեդարձին նվիրված գագաթնաժողովին կմասնակցեն Ուկրաինա ժամանած Սլովակիայի, Սլովենիայի, Խորվաթիայի վարչապետները և Մոլդովայի նախագահը։