Շուշիի շրջանի չորս գյուղեր՝ Մեծ Շեն, Հին Շեն, Եղցահող և Լիսագոր, մարտի 25-ից կտրված են Ստեփանակերտից և Արցախի մյուս բնակավայրերից։ Ադրբեջանի զինված ուժի ստորաբաժանումը շաբաթ օրը հատել է կողմերի շփման գիծը Շուշիի շրջանում, «զբաղեցրել է 2094,0 նիշով բարձունքը (Սարըբաբա լեռից 2,9 կմ հյուսիս-արևելք) և սկսել դիրքի ինժեներային կահավորում։
Լիսագոր-Ստեփանակերտ գրունտային ճանապարհի հատվածում բարձունքի գրավումից հետո արցախցիները զրկվել են միակ այլընտրանքային կապից։
Շուշիի նախկին քաղաքապետ Արծվիկ Սարգսյանն «Առաջին լրատվական»-ի հետ զրույցում նշեց, որ այս ճանապարհը ռուս խաղաղապահների վերահսկողության տակ է, իրենք պետք է զբաղվեն ճանապարհի բացման հարցերով, այլապես մյուս ճանապարհն արդեն պատերազմն է։ Նա շեշտեց, որ սա միակ ճանապարհն էր, որի միջոցով հնարավոր էր լինում դեղորայք հասցնել․
«Դա էլ փակեցին, մնացածը՝ Շուշիի տակով անցնելու ճանապահը, էլի ռուսների ենթակայության տակ է։ Ես մտածում եմ, որ պետք է լուրջ քայլեր ձեռնարկեն խաղաղապահները ճանապարհը բացելու համար, և Հաագայի դատարանի որոշումից հետո պետք է ստիպեն, որ այդ որոշումներն ի կատար ածվեն, այլապես իսկական հումանիտար աղետի են վերածել։ Ադրբեջանն օղակը գնալով ավելի սեղմում է, որ մարդկանց ավելի ճնշեն, իսկ ժողովուրդը պետք է այստեղ ապրի, տրամադրությունը հենց այդպիսին է, բայց նման քայլերով փորձում են մարդկանց տրամադրության վրա ազդել․ այլնըտրանք չկա, այստեղ պետք է մնանք»,-հավելեց Արծվիկ Սարգսյանը։
Նա պատմեց, որ մարտի 25-ին ռուս խաղաղապահները կարողացել են ադրբեջանցիներին, որոնք ընդհանուր, գրունտային ճանապարհի մեջտեղն են կանգնած եղել, այնտեղից նրանց հանել են, նրանք էլ բարձրացել են վերև, բայց միևնույն է, թշնամու վերահսկողության տակ է, քանի որ իրենց նախկին դիրքը չեն գնացել։
Սարգսյանի խոսքով՝ այս պահին Արցախում սպասողական վիճակ է․ «Սպասում ենք, որ մի բան պետք է կատարվի։ Գուցե հրաշք կատարվի, գուցե ռուս խաղաղապահնե՞րն այդ հարցին լուծում տան։ Հայաստանի իշխանությունն էլ պետք է խոսի․
«Ոչ թե խոսեն օդի մեջ, ոչ թե մտածեն՝ ինչպես պետք է Պուտինին ձերբակալեն, այլ քայլեր ձեռնարկեն այս ուղղությամբ»։
Ռուս խաղաղապահներն իրենց առաքելությունը չեն կատարում։ Արծվիկ Սարգսյանի խոսքով՝ իրենք երևի մանդատ չունեն, որ ուժի դիմեն, ուժով հարցը լուծեն․ խնդիրը դա է, որ ուժի դիմելու հնարավորություն չունեն։
«Ադրբեջանցիների մռութները պետք է ջարդենք, ինչպես 90-ականներին ջարդեցինք մռութները, մինչև սրանց հերը չանիծենք, սրանք առիթավորված շարժվելու են առաջ։ 90-ականներին Հայաստանի իշխանությունը Արցախի իշխանությունների հետ է եղել, բայց հիմա դա էլ չկա։ Ազգը պառակտող քայլեր են անում, սև ու սպիտակի են վերածում․․․այսօր Արցախն է, վաղը Սյունիքն է լինելու, հետո Վայքը․․․»,-հավելեց Արծվիկ Սարգսյանը։
