Ղազախստանի խորհրդարանը հաստատել է Ալիխան Սմաիլովի թեկնածությունը վարչապետի պաշտոնում

Ղազախստանի խորհրդարանի Մաժլիսի (ստորին պալատի) պատգամավորները հինգշաբթի օրը կայացած նիստում հաստատել են Ալիխան Սմաիլովի թեկնածությունը հանրապետության վարչապետի պաշտոնում։

Օրենքի համաձայն՝ երկրի ղեկավարը Մաժլիսի խմբակցությունների հետ խորհրդակցելուց հետո նախարարների կաբինետի ղեկավարի թեկնածու է առաջարկում՝ պալատի համաձայնությունը ստանալու համար։