Հարավային Կովկասի երկրների կողմից փորձ է կառուցել քաղաքական պատ՝ Եվրոպայի և մեր տարածաշրջանի միջև: «Առաջին լրատվական»-ի հետ զրույցում նշեց Երևանի մամուլի ակումբի նախագահ Բորիս Նավասարդյանը:
Նրա խոսքով՝ Արևմուտքը ունի աշխարհաքաղաքական հակառակորդներ, որոնք չեն ընդունում ժողովրդավարության արժեքները․ «Ժողովրդավարության կառուցումը չի կարող լինել առանց ժողովրդավարական ինստիտուիտների․ այդ առումով ունենք խնդիրներ: Իշխանությունը չի կարողանում կառուցել արդյունավետ բանավեճային տարածք ընդդիմության հետ»:
Նավասարդյանը օրինակ բերեց, որ ՀՀ ՍԴ-ն սահմանադրությանը չհակասող ճանաչեց Հռոմի ստատուտը, բայց այստեղ կան խնդիրներ․ «Շատ հարցեր մեր կարևորագույն կառույցների կողմից ընդունվում են քաղաքական կոնյուկտուրայից ելնելով: Վստահ եմ՝ Հռոմի ստատուտը կվավերացվի, բայց արդյոք Հայաստանի ժողովրդավարական ինստիտուտները կայացել են: Ցանկացած քայլ, որը հաստատում է ՀՀ ինքնիշխանությունը, դժգոհություն է առաջացնում ՌԴ-ում: Մոսկվային սովորեցրել ենք, որ բարձրագոչ հայտարարություններով մեզ հետ կանգնեցնեն կարևոր որոշումներից: ՌԴ-ի նման արձագանքների նպատակն է, որ Հռոմի ստատուտի վավերացումը ձգձգվի»:
