Սրճարանների աշխարհահռչակ Starbucks ցանցը կեռապատկի իր սրճարանների թիվը Չինաստանում՝ 470-ից հասցնելով 1500-ի: Այս մասին հայտնում է Associated Press գործակալությունը: Բացի այդ, Starbucks-ը կրկնապատկելու է իր սրճարանները Հարավային Կորեայում` 370-ից 700, իսկ 2013-ին դուրս կգա նաև Հնդկաստանի և Վիետնամի շուկա:
Starbucks-ն աշխարհի 40 երկրներում ունի մոտավորապես 17 հազար սրճարան: Հուլիսին ընկերությունը հայտարարել է, որ իր եկամուտը ապրիլ-հուլիս ամիսներին աճել է 20%-ով և հիմա կազմում է 23% ընկերության ամբողջ վաճառքի ծավալից (2,93 մլրդ դոլար): Ինչպես ավելի վաղ էր հայտնվում, 2011թ.-ին, որը հոբելյանական էր Starbucks-ի համար (առաջին սրճարանը բացվել է Սիեթլում 1971թ.-ին), ամերիկյան ընկերությունը մտադիր է բացել 500 նոր սրճարան, որոնցից 400-ը գտնվելու են ԱՄՆ սահմաններից դուրս: Starbucks-ն ամենահեռանկարային է համարում Չինաստանի շուկան:
