ՌԴ նախագահ Պուտինին ձերբակալելու օրդերի ֆոնին, որ սահմանել է Հաագայի միջազգային քրեական դատարանը, Մոսկվան բացարձակապես անընդունելի է համարում այդ դատարանի Հռոմի ստատուտին միանալու Հայաստանի ղեկավարության մտադրությունը: Այդ մասին տեղեկություն է տարածել ռուսական պետական ՌԻԱ Նովոստի գործակալությունը, հղում անելով ՌԴ արտգործնախարարության իր աղբյուրին: Հատկանշական է, որ տեղեկությունը տարածվում է պաշտոնական հաղորդագրությանը զուգահեռ, ըստ որի, ՌԴ փոխարտգործնախարար Միխայիլ Գալուզինը ընդունել է ՌԴ-ում Հայաստանի դեսպանին և քննարկվել է երկկողմ օրակարգին առնչվող հարցեր: Թեմայի շուրջ «Առաջին լրատվական»-ը զրուցել է քաղաքական վերլուծաբան Հակոբ Բադալյանի հետ:
Վերլուծաբանը կարծում է, որ Հռոմի ստատուտը դառնում է մարտահրավեր. «Պաշտոնական Երևանը պետք է ստեղծված իրավիճակին գնահատական տա: Ենթադրվում է, որ ՌԴ-ն դիրքորոշումները հայտնել է դեսպանին. պետք է սպասել Երևանի արձագանքին: Երբ իրավիճակը հասնում է այսպիսի կետի, ստվեր է գցում Հռոմի ստատուտի գործընթացի վրա»:
