ՌԴ նախագահ Պուտինին ձերբակալելու օրդերի ֆոնին, որ սահմանել է Հաագայի միջազգային քրեական դատարանը, Մոսկվան բացարձակապես անընդունելի է համարում այդ դատարանի Հռոմի ստատուտին միանալու Հայաստանի ղեկավարության մտադրությունը: Այդ մասին տեղեկություն է տարածել ռուսական պետական ՌԻԱ Նովոստի գործակալությունը, հղում անելով ՌԴ արտգործնախարարության իր աղբյուրին: Հատկանշական է, որ տեղեկությունը տարածվում է պաշտոնական հաղորդագրությանը զուգահեռ, ըստ որի, ՌԴ փոխարտգործնախարար Միխայիլ Գալուզինը ընդունել է ՌԴ-ում Հայաստանի դեսպանին և քննարկվել է երկկողմ օրակարգին առնչվող հարցեր: Թեմայի շուրջ «Առաջին լրատվական»-ը զրուցել է ՔԺԿ առաջնորդ, քաղաքագետ Լևոն Շիրինյանի հետ:
Շիրինյանը հարցադրում է անում՝ Պուտինը ինչու է գալիս Հայաստան, որ մի հատ էլ մտահոգվեն, որ կձերբակալվի․ «Ռուսաստանը անցել է շանտաժի, «դաշնակիցը» ոխերիմ թշնամի: Պուտինը հեղափոխությունը դրեց ծանր վիճակում և 5-րդ շարասյան միջոցով հայ հասարակությանը պառակտեց: Պուտինը զինեց ու Հայաստանի վրա քսի տվեց գորիլային: Պուտինի ուզածը, որ Հայաստանը չլինի, ինչպես Ուկրաինան: Պուտինը չի հաշտվում Հայաստանի անկախ գոյության հետ․ ճիշտ ուղու վրա ենք: Հայաստանը պարտության հետևանքները հաղթահարելու խնդիր ունի․ Հռոմի ստատուտի նպատակը դա է»: