«Indian Defence Research Wing» ռազմական հանդեսը պնդում է, որ Հայաստանը հնդկական ընկերություններից մեկից ինքնագնաց MArG հաուբիցներ է պատվիրել։ Ռազմական հանդեսը գրում է, որ մինչ սպառազինության գնումը, անցած տարի Հնդկաստան մեկնած հայկական պատվիրակությունը փորձարկել է հաուբիցները։
«Ինքնագնացի վրա տեղադրված MArG 155/39 հաուբիցը մոտ 40 օրվա ընթացքում կրկին փորձարկվել է Հայաստանի պաշտոնյաների ներկայությամբ, և գործարքը կնքվել է պաշտպանական ցուցահանդեսին այն բանից հետո, երբ այն համապատասխանել է հայկական բանակի կողմից սահմանված կրակային բոլոր չափանիշներին»- գրել է IDRW-ը:
Կայանքի հատկություններն են՝
155 մմ 39 տրամաչափի փող
Թնդանոթի Փողի երկարություն 9391 մմ լայնություն 2650 մմ
4×4 անիվներով շասսին ցանկացած տեղանքում մանևրելու հնարավորություն է տալիս
համակարգը կարող է կրակել ՆԱՏՕ-ի ստանդարտներով զինամթերքով
Մարտական դիրքի բերվում է ցերեկը 1,5, գիշերը երկու րոպեում։
IDRW-ի տվյալներով հաուբիցն ինտենսիվ կրակի դեպքում երեք րոպեում կարող է արձակել 10, 60 րոպեում 42 կրակոց կայուն արագությամբ։ Ռազմական հանդեսը չի գրում գործարքի քանակի եւ արժեքի մասին։
Ռազմական փորձագետները նշում են, որ հայկական բանակի հրետանային ինքնագնաց համակարգերի հիմնական բացը եղել է անցանելիությունը։ MArG հաուբիցները այս տեսանկյունից տեղադրված կարճ շասսի վրա ինչը հնարավորություն է տալիս դրան հատկապես լեռնային ռելիեֆում լինել բավական արդյունավետ։ Ի դեպ MArG –ի հապավումը բացվում է՝ լեռնային հրետանային թնդանոթ։ Փորձագետների հավաստմամբ համակարգը կարող է կրակել մոտ 30կմ հեռավորության վրա, հիմնված է արևմտյան տեխնոլոգիաների վրա, համարվում է ժամանակակից համակարգ՝ թեթև է և շարժունակ։
Ի դեպ ռուսական նմանատիպ համակարգերի հեռահարությունը զիջում է հնդկականին։ Ռազմական փորձագետները նշում են, որ անցումը 155մմ-անոց համակարգին լուրջ հայտ է ապագայում ՆԱՏՕ-ական ստանդարտներին անցում կատարելու համար։
Որպես այլընտրանք փորձագետները նշում են շվեդական «Archer» համակարգը հույս հայտնելով, որ հայկական բանակը մոտ ապագայում կունենանա նաև այդ դրանցից, որոնք ի դեպ եւս 155 մմ-անոց են։
Պաշտոնական Հայաստանը չի մեկնաբանում ինքնագնաց հրետանային համակարգերի գնման փաստը։ Հայաստանը իր զինանոցը համալրելու համար հնդկական զենքն ընտրեց նախորդ տարի։ Մինչ օրս, ըստ հնդկական մասնագիտական մամուլի Հայաստանը Հնդկաստանից գնել է մոտ 250մլն դոլարի սպառազինություն, որոնց թվում են «Պինակա» hամազարկային կրակի ռեակտիվ համակարգերը Սվաթի ռադարները։