Tuesday, 19 03 2024
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»
Նիկոլ Փաշինյանն ապահովագրում է իրեն Ա և Բ պլանների համա՞ր
Հանրապետության նախագահն ընդունել է ֆրանսիացի մտավորականների
Պուտինը ՌԴ նախագահի թեկնածուներին առաջարկել է համատեղ աշխատել
Եթովպիայում ՀՀ դեսպանն իր հավատարմագրերն է հանձնել երկրի նախագահին
Հայաստանի և Մալթայի ԱԳ նախարարությունների միջև անցկացվել են առաջին քաղաքական խորհրդակցությունները
Վարչապետը տիկնոջ հետ ներկա է գտնվել «…և նորից Գարուն» ներկայացմանը
00:07
Բայդենը Նեթանյահուին հայտնել է Իսրայելի ռազմական ծրագրերի վերաբերյալ մտահոգությունների մասին
Էրդողանը շնորհավորել է Պուտինին
00:03
ԱՄՆ-ն չի շնորհավորի Պուտինին ընտրություններում հաղթանակի կապակցությամբ
Եղանակային պայմանները ՀՀ ավտոճանապարհներին
Արա Աբրահամյանի ներկայացուցիչը 20-ամյա երիտասարդի է ծեծի ենթարկել

ՀՀ ՆԳՆ փրկարար ծառայությունը ուսումնավարժություն է անցկացրել Գյումրու երկաթուղային կայարանում

ՀՀ ներքին գործերի նախարարության փրկարար ծառայությունը «Հարավկովկասյան երկաթուղի» ՓԲԸ-ի (ՀԿԵ) Գյումրու կայարանի տարածքում անց է կացրել «Երկաթուղային վթարի դեպքում հրդեհաշիջման և փրկարարական աշխատանքների կազմակերպումը և իրականացումը» թեմայով ցուցադրական հատուկ տակտիկական ուսումնավարժություն։ Այս մասին տեղեկացրին ՀՀ ներքին գործերի նախարարության փրկարար ծառայությունից։

«Մարտի 24-ին Գյումրի քաղաքում անցկացվել են ՆԳՆ ՓԾ պլանով նախատեսված Փրկարար ծառայության տնօրենի ուսումնական խմբի մասնագիտական պատրաստության պարապմունքներ:

Առաջին փուլում ՆԳՆ ՓԾ տնօրեն-ՆԳ նախարարի տեղակալ Կ. Ցուցուլյանը պարապմունքի մասնակիցների հետ անց է կացրել խորհրդակցություն, տվել մի շարք ցուցումներ և հանձնարարականներ:

Երկրորդ փուլը շարունակվել է «Հարավկովկասյան երկաթուղի» ՓԲԸ-ի Գյումրու կայարանի տարածքում. համատեղ անց է կացվել ցուցադրական հատուկ տակտիկական ուսումնավարժություն»,- ասվում է հաղորդագրության մեջ:

Ըստ աղբյուրի՝ ուսումնավարժության նպատակն էր կատարելագործել ՆԳՆ փրկարար ծառայության և «Հարավկովկասյան երկաթուղի» ՓԲԸ-ի արձագանքող ստորաբաժանումների գործնական հմտությունները հրդեհաշիջման և փրկարարական աշխատանքներ իրականացնելիս, ամրապնդել փրկարար ծառայության և «Հարավկովկասյան երկաթուղի» ՓԲԸ-ի փոխհամագործակցությունը արտակարգ իրավիճակների ժամանակ։

«Համատեղ ուսումնավարժությանը ներգրավված էին ՓԾ փրկարարական ուժերի վարչության, ՀՆՓԱԻ կենտրոնի անօդաչու թռչող սարքերի մասնագիտացված, Շիրակի մարզային փրկարարական վարչության օդային հետախուզության և ԲՊԱՌՆՎ ՃՔԿԻՄ բաժնի խմբերը, հրշեջ-փրկարարական ջոկատների մարտական հաշվարկները, ինչպես նաև ՀԿԵ «Հրդեհաշիջման և վերականգնման գնացքներ» ձեռնարկության, շտապօգնության, ոստիկանության, «Վեոլիա Ջուր» և «ՀԷՑ» ՓԲԸ-ի աշխատակիցները։

Մինչ ուսումնավարժության գործնական մասի մեկնարկը՝ ՆԳՆ ՓԾ ՓՈՒՎ պետ, փ/ծ գնդապետ Ա․ Գևորգյանը հանգամանալից ներկայացրեց ուսումնավարժության անցկացման սցենարը, ըստ որի միջոցառումները հաջորդաբար ծավալվեցին 3 տեղամասերում․ վթար երկաթգծի ուղիներում, քիմիական վթար և հրդեհ։

Համաձայն սցենարի՝ գնացքը հարվածել էր երկաթգիծը չթույլատրվող վայրում հատող մարդատար ավտոմեքենային, ուղևորն ու վարորդը ստացել էին մարմնական վնասվածքներ և չէին կարողացել դուրս գալ վթարված մեքենայից։ Միաժամանակ հրդեհ էր բռնկվել մարդատար վագոնում։

Դեպքի վայր ժամանած հրշեջ-փրկարարների ուժերով տեղում իրականցվեցին հրդեհաշիջման, տուժածների տարհանման և տեղափոխման, ինչպես նաև առաջին բժշկական օգնության ցուցաբերման միջոցառումներ։

Երկրորդ տեղամասում խաղարկվեց ամոնիակով բեռնված գլանաձև վագոնից հնարավոր արտահոսքի սցենարը։ ԲՊԱՌՆՎ ՃՔԿԻՄԲ հետախուզական խումբը հետախուզությունից հետո սահմանազատեց վտանգավոր տարածքը։ Միաժամանակ փրկարարները ձեռնարկեցին միջոցներ գլանատակառից ամոնիակի արտահոսքի կանխման ուղղությամբ, իրականացրեցին բացազատում ջրային վարագույր ստեղծող փողակներով»,- հայտնում են փրկարար ծառայությունից՝ հավելելով, որ երրորդ տեղամասում խաղարկվել է հրդեհի բռնկման սցենար՝ բենզինով բեռնված գլանաձև վագոնում, որի ժամանակ իրականացվել են հրդեհաշիջման աշխատանքներ։

Նշվում է, որ տեղում ուսումնավարժության ողջ ընթացքին հետևել են ՆԳՆ ՓԾ տնօրեն-ՆԳ նախարարի տեղակալ, փ/ծ գնդապետ Կամո Ցուցուլյանը, տնօրենի տեղակալները, կառուցվածքային և տարածքային ստորաբաժանումների ղեկավարները, ինչպես նաև ՀԿԵ ղեկավար կազմը՝ գլխավոր տնօրենի առաջին տեղակալ Օ. Շատալովի գլխավորությամբ:

Ամփոփելով արդյունքները՝ ՓԾ տնօրենը ուսումնավարժության ամբողջ գործընթացը գնահատել է լավ, հանձնարարել, որ գործնական վարժանքների ընթացքում ուժերի առջև դրված խնդիրների կատարման գործընթացները հնարավորինս դրվեն իրատեսական հիմքերի վրա:

Կամո Ցուցուլյանը շնորհակալություն է հայտնել վարժանքի մասնակիցներին և ՀԿԵ-ի ղեկավարությանն արդյունավետ փոխհամագործակցության համար՝ նշելով, որ նման միջոցառումները հնարավորություն են տալիս առավել հմտանալ և բացահայտել առկա խնդիրները, ինչպես նաև խթանում են ուժերի պատրաստվածության բարձրացումը։

Բաժիններ
Ուղիղ
Լրահոս
Որոնում