Սահմանադրությունում արված փոփոխությունները հանգեցրին այսօրվա որոշմանը: «Առաջին լրատվական»-ի հետ զրույցում նշեց քաղաքագետ Էմիլ Օրդուխանյանը:
Օրդուխանյանը հիշեցրեց, որ Հռոմի ստատուտի վավերացման հարցը Հայաստանում առաջացավ ՀՀ սուվերեն տարածի վրա ադրբեջանական ներխուժումից հետո․ «Իրադարձությունները այնպես ձևավորվեցին, որ Պուտինի վերաբերյալ ՄՔԴ որոշումն ու ՍԴ որոշումը զուգադիպեցին: ՀՀ-ն ՍԴ մակարդակով հակասահմանադրական չճանաչելով ստատուտը նպատակ չի հետապդնում բախել հայ-ռուսական շահերը: Պուտինը ոչ միայն Հայաստանի պարագայում, այլ նաև 100-ից ավելի երկրներում տեղաշարժի սահմանափակման մեջ է: Հայաստանի համար թիրախ չէ Պուտինը․ ստատուտը վավերացնելու համար ԱԺ-ն պետք է առաջնորդվի միայն մեր շահերով»:
Քաղաքագետը նաև նկատեց, որ Հայաստանը այս քայլով հաղորդ է դառնում միջազգային իրավակարգին:
