Երբ դնում են դավաճանության հարց, ինչ է տալիս դա մեզ․ այստեղ գալիս է քավության նոխազ գտնելու հարցը: «Առաջին լրատվական»-ի հետ զրույցում նկատեց մշակութային մարդաբան Աղասի Թադևոսյանը:
Թադևոսյանը հռետորական հարցադրում արեց՝ եթե գտել եք 5-րդ շարասյուն բանակում, ինչ կարիք կա վարչապետի մակարդակով դա հանրայնացնել․ «Եթե գտել եք բանակում 5-րդ շարասյուն, տվեք համապատասխան կառույցները զբաղվեն դատեք այդ մարդկանց, մի շեղեք հանրությանը»:
Թադևոսյանը կարծում է, որ մենք առաջնահերթությունը ձևակերպելու խնդիր ունենք․ «Չի կարող առաջնահերթություն ունեցող հանրույթը իր սահմանների պաշտպանությունը հանձնել ռազմավարական դաշնակցին: Ինչպես 97-ից Հայաստանում, այնպես էլ այսօր Արցախի անվտանգությունը վստահել ենք ռուսներին, օրը մի բան տեղի է ունենում»: Ինքը Թադևոսյանը խիստ կասկածում է, որ մենք արտաքին քաղաքական վեկտոր ենք փոխում․ «Չի կարող արտաքին քաղաքական վեկտոր փոխող երկիրը չունենալ ինքնիշխանության տիրապետող դիսկուրս»:
