Երևանի փողոցներում ավելի բանիմաց ռուսներ կան, քան հենց ՌԴ-ում: «Առաջին լրատվական»-ի հետ զրույցում նշեց հանրային գործիչ Միքայել Հայրապետյանը:
Հայրապետյանի խոսքով՝ ՌԴ-ն զախարովաների միջոցով իր վրայից նետում է պատասխանատվությունը․«Հուսանք՝ Ռուսաստանը կսթափվի, նոր պատուհասներ չի բերի հայ ժողովրդի գլխին: ՌԴ-ն չի վախենում ՀՀ արտաքին քաղաքական կուրսի փոփոխությունից: ՀՀ իշխանությունը լեգիտիմ հիմքեր է ստեղծում ՌԴ-ի համար, թե ինչու պետք է ներխուժի Հայաստանի վրա: Պետք է փոքրիկ անցքեր գտնել և տեղավորվել այնպես, որ հարվածը կատաստրոֆիկ չլինի: Այսօր իշխանությունը մի բան ունի անելու՝ աշխարհազորի մասին օրենքը կյանքի կոչել: Պետք է յուրաքանչյուր հայ տղամարդ զինվի, ումից ենք վախենում, Ալիևի մատ թափ տալու՞ց: Եթե թույլ ես, միևնույն է էսկալացիայի վտանգ լինելու է, ամեն անգամ «տղամարդ» եք բերելո՞ւ: Եթե մենք կանք և ուժեղ ենք, դաշնակիցներ կհայտնվեն, եթե չկանք, կկոտորեն»:
Հայրապետյանը կարծում է, որ տեսակի ամորձատում է․ եթե ներսից ոգեղեն կրակ չկա, բանականությունը չի եփվելու:
