Պետք է հաշվի առնենք ռիսկերը․ Մերձավոր Արևելքում քրիստոնայների թիվը նվազում է, գաղութներից հայերը արտագաղթում են: «Առաջին լրատվական»-ի հետ զրույցում նշեց արաբագետ, Արևելագիտության ինստիտուտի միջազգային հարաբերութունների բաժնի վարիչ Արաքս Փաշայանը:
Նրա խոսքով՝ հայերին Մերձավոր Արևելքում շատ լավ են ճանաչում․ պետք է աշխատել՝ ռիսկերը հաշվի առնելով․ «Հայաստանի համար ամենակարևոր խնդիրը անվտանգությունն է․ պետք է օգտագործել արաբական երկրների ներուժը: Հայաստանը Մերձավոր Արևելքի մի հատվածն է, նույն անվտանգային միջավայրում ենք, պետք է աշխատել»:
