Հանրահայտ ChatGPT չաթ-բոտից հետո Google-ը գործարկեց իր անալոգը, որը կոչվում է Bard։ Այն նույնպես հիմնված է արհեստական ինտելեկտի (AI) սկզբունքի վրա: Առայժմ Bard-ը հասանելի է միայն ԱՄՆ-ում և Մեծ Բրիտանիայում՝ միայն 18-ից բարձր օգտատերերի համար:
Մշակողները դա անվանում են փորձ և, խոսելով ChatGPT-ի նկատմամբ ունեցած առավելությունների մասին, զգուշացնում նաև թերությունների մասին։
Bard-ի և նրա հիմնական մրցակից ChatGPT-ի հիմնական տարբերություններից մեկն այն է, որ Google-ի բոտին հասանելի է վերջին, թարմացված տեղեկատվությունը, մինչդեռ ChatGPT-ն սահմանափակված է 2021 թվականից առաջ ունեցած տվյալներով: Bard-ն ունի նաև Google It կոճակ, որը թույլ է տալիս ուղղակիորեն մուտք գործել որոնման համակարգ:
Բացի այդ, Google-ի չաթում նշվում են այն աղբյուրների անունները, որոնցից նա տեղեկատվություն է ստացել օգտատիրոջ հարցին պատասխանելու համար, օրինակ՝ «Վիքիպեդիան»:
Bard-ից օգտվելու համար անհրաժեշտ է լինել չափահաս ու գրանցվել: Սահմանվել է տարիքային շեմ, որպեսզի դպրոցականները չկարողանան բոտի պատասխանները ներառել տնային աշխատանքներում։
ChatGPT-ի թողարկումից հետո, որն ակնթարթորեն սենսացիա դարձավ, Google-ը չշտապեց թողարկել դրա անալոգը՝ ավարտուն տեսքի բերելով դրա հնարավորություններն ու մեծ շեշտադրում անելով օգտատերերի անվտանգության վրա:
Մասնավորապես, Bard bot-ը ծրագրավորված է վիրավորական հարցերին չպատասխանելու համար։ Դրա զտիչները կանխում են վնասակար, անօրինական, անպարկեշտ բովանդակության կամ անձնական տվյալների փոխանակումը:
