Ցանկացած քայլ, որ Հայաստանն անում է պատանդի վիճակից դուրս գալու համար` Մոսկվան շեքսպիրյան հերոսի տեսարան է սարքում: «Առաջին լրատվական»-ի հետ զրույցում նշեց Հանուն Հանրապետության կուսակցության փոխնախագահ Ռուբեն Մեհրաբյանը:
Ըստ Մեհրաբյանի` Միրզոյանի այցի իմաստի արդյունքի լավագույն գնահատականը ասուլիսն էր. «Լավրով-Միրզոյան հաղորդակցությունը երկու էպիզոդից այն կողմ չանցավ. կարծես երկու տարբեր մոնտաժված ասուլիս էր: Մոսկվան զիգզագներով հետապնդում է մեկ նպատակ` մնալ գործընթացում: Մոսկվան հիստերիայի մեջ էր. ՀՀ արտգործնախարարի այցը հետապնդում էր պսիխոթերապևտիկ նպատակներ»: