Ինչպես փոխանցում է GZT.ru կայքը` հղում անելով The Daily Mail թերթին, Վագենինգենի համալսարանի բժշկական հետազոտությունների համաձայն` Wi-Fi հաղորդիչները բացասաբար են ազդում մարդու ուղեղի վրա: Նիդեռլանդցի մասնագետները դա պարզել են` ուսումնասիրելով անլար ինտերնետի գոտում գտնվող ծառերը: Նրանք պարզել են, որ այդօրինակ ալիքները ազդում են ծառերի առավել արագ տերևաթափության և կեղևի չորացման վրա: Ռադիոալիքներն, ըստ մասնագետների, պակաս վնասակար են, քանի որ, ի տարբերություն Wi-Fi ալիքների, որոնք իմպուլսային են, ռադիոալիքներն ավելի հավասար են հաղորդվում: Յուրաքանչյուր «զարկ» Wi-Fi ալիքի դեպքում փոքրիկ հարված է կենդանի օրգանիզմներին:
Դեռ 2004թ. Մալագայի համալսարանի մասնագետները պարզել էին, որ էլեկտրամագնիսական ճառագայթումը 40%-ով ավելացնում է մարդկանց մոտ դեպրեսիայի առաջացման հավանականությունը: Բանն այն է, որ այդ ալիքները պակասեցնում են ուղեղում մելատոնինի հորմոնի արտադրությունը, որը պատասխանատու է մարդու օրգանիզմի ներքին ռիթմի համար:
Նմանատիպ բացասական երևությների մասին են գրել շատ այլ մասնագետներ` ուսումնասիրելով բջջային հեռախոսներից արձակված ալիքների բացասական ազդեցությունը: