Ֆուտբոլի Ուկրաինայի ազգային հավաքականի նախկին գլխավոր մարզիչ Լեոնիդ Բուրյակը նախորդ շաբաթ հանդես եկավ սկանդալային հայտարարությամբ, որը զայրույթի ալիք բարձրացրեց ոչ միայն Հայաստանում։ «Ես կարդացել եմ, որ Հայաստանի հավաքականի գլխավոր մարզիչ Ալեքսանդր Պետրակովը ֆուտբոլիստներ է հրավիրել Ռուսաստանի առաջնությունից, «Լոկոմոտիվից» և ինչ-որ այլ թիմերից: Դժվար է ասել՝ ինչով է առաջնորդվել Պետրակովը, հատկապես այն իրավիճակում, որում հիմա մեր ամբողջ երկիրն է: Այս ամենը ուղղկի չի ընկալվում: Չէ՞ որ կան բազմաթիվ ֆուտբոլիստներ, որոնք խաղում են այլ երկրներում: Ժամանակին նրանց հավաքականը նատուրալիզացնում էր հայկական ծագմամբ ֆրանսիացիների ու արգենտինացիների: Անկեղծ ասած, ես այս ամենից շոկի մեջ եմ»,- FanDay-ին տված հարցազրույցում ասել էր ուկրաինացի մասնագետը։ Սկսենք նրանից, որ Բուրյակի հայտարարությունը սադրիչ և սկանդալային լինելուց զատ միջամտություն է մեր ազգային թիմի ներքին խնդիրներին։ Բույակի հայտարարությունը սպորտը քաղաքականացնելու վառ օրինակ է։ Ավելին, Ուկրաինայի հավաքականի նախկին գլխավոր մարզիչը անհարգալից վերաբերմունք է ցուցաբերել իր հայրենակցի Պետրակովի նկատմամբ, փորձելով ցեխ շպրտել նրա պրոֆեսիոնալ գործողության վրա։ Լրագրողների հետ հանդիպման ժամանակ թվում էր թե Պետրակովը կմեկնաբանի Բուրյակի հայտարարությունը, բայց․․․։
Մեր հավաքականի մարզիչը չտրվելով սադրանքին Բուրկային պատասխանեց շատ ավելի գրագետ ձևով։ Մասնավորապես, խոսելով մարտի 25-ին կայանալիք Թուրքիայի դեմ խաղին և այս մրցավեճի շուրջ ստեղծված իրավիճակին Պետրակովը մասնավորապես ասաց․ «Ես կողմնակից չեմ, որպեսզի քաղաքականացվի առաջիկա հանդիպումը: Կարծում եմ՝ բոլորն էլ փորձառու ֆուտբոլիստներ են, նրանցից շատերը գալիս են արտերկրից: Ընդ որում, արտերկրում են հայտնվել ոչ իրենց կամքով: Նրանք գիտեն իրենց պատմությունը, ես էլ գիտեմ ձեր պատմությունը: Եվս մեկ անգամ շեշտեմ, որ առաջնայնությունն առաջիկա խաղում ինձ համար լինելու է սպորտն ու ֆուտբոլը»: Այս շեշտադրումով Պետրակովը պարզ տեքստով ասաց, որ մերժում է ֆուտբոլը քաղաքականացնելու ցանկացած դրսևրում։ Այո գոյություն ունեն սկզբունքային դիմակայություններ, բայց դրանց քաղաքական երանգներ հաղորդելը անթույլատրելի է։ Թուրքիայի դեմ խաղին Ռուսաստանի առաջնությունից Հայաստանի հավաքական՝ են հրավիրվել չորս ֆուտբոլիստներ Նաիր Տիկնիզյանը (Լոկոմոտիվ), Խորեն Բայրամյանը (Ռոստով), Էդուարդ Սպերցյանը (Կրասնոդար) և Գեորգի Հարությունյանը (Կրասնոդար-2): Կարծում ենք պարզ է, որ եթե քաղաքական նկատառումներով Պետրակովը Ռուսաստանում ելույթ ունեցող ֆուտբոլիստներին հավաքական չհրավիրեր, նա ուղղակի չէր աշխատի Հայաստանի ազգային թիմում։
Այս ամենը քաջ գիտակցում է նաև Բուրյակը, բայց․․․։ Արի ու տես Թուրքիայի դեմ կարևորագույն խաղից առաջ նախկինում հայտնի ֆուտբոլիստն ու մարզիչը փորձում է լարվածություն ստեղծել Հայաստանի ազգային հավաքականում։ Եվս մեկ անգամ անընդունելի համարելով Բուրյակի միջամտությունը մեր ներքին խնդիրներին, նրան թերևս մեկ խուրհուրդ կարելի է տալ։ Ինչ որ տեղ ընկալելի կլիներ, եթե Բուրյակը շոկի մեջ հայտնվեր այն փասստից, որ Ուկրաինայի հավաքականում իր սանը այսօր որպես մարզիչ աշխատում է Սանկտ Պետերբուրգի «Զենիթում»։ Խոսքը Ուկրաինայի հավաքականի նախկին կիսապաշտպան Անատոլի Տիմոշչուկի մասին է։ Երկար տարիներ խաղալով «Զենիթում» Տիմոշչուկը 2017 թվականից մարչզական աշխատանքի է անցել ռուսական թիմում։
Այս փաստը սակայն կարծես վրիպել է Բուրյակի ուշադրությունից, որը կարծես նեղսրտել է, որ Պետրակովի տրամադրության են հայտնվել Սպերցյանի, Տիկնիզյանի և Բայրամյանի պես բարձրակարգ ֆուտբոլիտսներ։ Ռուսաստանում ելույթ ունեցող բոլոր 4 ֆուտբոլիստները միացել են Հայաստանի հավաքականին և նախապատրաստում են Թուրքիայի դեմ խաղին։
